Sfuei Mensîl Furlan Indipendent
Archivi de Patrie

FURLANS, DIGJITAIT FURLAN – CABLÂT & CONTENT. Facebook, il… lenghelibri?

............

Come che o o contavi tes pontadis stadis, se i blogs prime a jerin considerâts un lûc pôc seri li che si tabaiave di dut cun imprecision, cheste funzion di “peteç” si è spostade pe plui part su Facebook, il social network che aromai i furlans a clamin Muselibri. Cualchidun al dîs che Facebook al è un lûc “cence memorie”, di fat i coments che si metin (chei che si clamin “status”) a corin vie svelts, impussibil za cjatânt un di un mês prime. Chest social network al à altris funzions, tant che l’inseriment des fotografiis, la pussibilitât di creâ pagjinis a teme, “notis” (ven a stâi articuluts), ma la funzion principâl e je chê di chestis frasutis, che i amîs a puedin comentâ.
Ma cemût isal doprât il Muselibri in marilenghe? Si à di dî che forsit si cjate plui vivarosetât che chê che e jere sul blog. Disìn che, se cualchidun tal so profîl o li di un grup o di une pagjine al bute un coment par furlan, par solit i furlans a àn la tindince a rispuindi in marilenghe. Une marilenghe no scrite ben e tantis voltis di frasis fatis, ma di une cierte vivarosetât: un imprest cussì svelt al samee fâ mancul pôre tal scrivi che un coment intun blog.
Chi in bande a man drete un esempli di cemût che a scrivin i furlans su Facebook, gjavât fûr di “Tô Agne”, une des pagjinis cun contignûts furlans plui viodudis cun 17.280 iscrits. Une scriture pôc corete, ma che e pant la voie dal utent furlan di Muselibri di butâ li vulintîr alc par furlan, e adiriture si pues sintî il “savôr” dai dialets dal furlan, daûr di dulà che al ven il comentadôr.
Dree Venier
____________________________________________________________
TO AGNE: COGNOSEISO EL BOBOROSO!!!???
Riccardo V. Cul isje
Stefania C. agne, e iè ore di là a durmì e tu cjacaris di boboroso????
Riccardo V. Ma sa ca l’è stu “boboroso”?
Bruno B. Urpo! Ce pore!!!
Michele M. al è chel che al mangie la bilìte!
Riccardo V. Al isje tipo il Barbalof?
Matteo C. Sigôr ce spac! E cumò cui rivial a durmì?!
Nives C. oooh agnè alere un toc ke no ti viodevi!!!! no stà fevelà di boboroso cumò ajè ore di camomile!!!!!
Federico L. jude boe agne! no sta neancje nomenalu!chi mi caghi intor da pore usgnot!dome a veilu tal pinsir!di frut no soi stat tant bon…e che volte no mi a cjapat..ma cumò cuissà sa si svindiche…
Laura F. Ma agne, nonde mica dome un satu!!!!!!……
Tric D. Il Biondo …..e cognoseiso chel dal formadi???
Dario A. soi sul prin scialin……..soi sul secont scialin………e cussì via
Mery T. Cognoseiso Todaro tal fen…..
Barozzini O. cognoseso jacun dai geis?
Aristide L. pò no no par no cjacarà dal lôf!
Anna A. Alzetta Si : al Maciarolut :O))
Emanuela P. an dai un ancie in ciase iò!!!
Monica A. ce pore!!!
Davide P. to agneeeeee
Candotto D. ce terror 🙂
Piero Z. Al boborosso O.O !!!!!
Paolo R. Cognoseiso Toni Orele?
Luca P. ma isa anciamò vif? cumò l’è Shrek!
Nicoloso C. si si …lu cognossin ma ormai nol fas plui pore
Roberto C. lu cognos..al lavore cun me 🙂
Loredana S. si e jere me agne
Paolo R. po no po!
Dolores A. altrochè!!!! pensavi ch’al fos sfantaat!!
Mariagrazia S. par fuarce! Me none a veve simpri di clamalu, ma no lu a mai clamat a la fin!
Sara C. io i ven da Cjarnia.. da Val Pesarina par precisa.. quant chi eri piciula si no fascevi la brava me nona a disceva ca clamava il Boboroso e encja la Begaruela,che a era una femenata triscta cencia il cjaf!!!
Milena D. Sì pò…chi lu cognosc…
Angela D. dome il Babau!!!
Stefano B. a le taponat tal scur e a nus spiete ( il truc a le chel di tigni sieras i voi cusì i tu lu freis..)
Serena P. io i conos la me gjata BOBO!
Nila E. eccome se lu cognos!!!
Cristina D. el Boboroso no l’è il fradi dal barba Croc?
Sergio A. io a no sai ma no clamavin boboroso al papavar!!!!!
Elisa Z. Un trauma.. quant che i eri piciule e i vevi poure di là tal scur, me pari a mi diseve simpri “a no lè mica il boboroso ca ti manghie!” .. 😐
Roberta M. il boboroso e l,ors di pani
Daniela I. magari!!!!!

L’EDITORIÂL / Jù lis mans dal Tiliment

Walter Tomada
Traviersis, cassis di espansion, puints e viadots autostradâi, potenziament dal idroeletric: al mancje dome di metisi a sgjavâ cu lis trivelis par cirî gas o petroli! Ma parcè il Tiliment, che tancj studiôs a stimin jessi l’ultin flum salvadi de Europe, isal sot di dutis chestis menacis, invezit di jessi tutelât e protet cemût che […] lei di plui +

(L)Int Autonomiste / Cui aial pôre de “Cuistion furlane”?

Dree Valcic
✽✽ No ven plui nomenade, sparide dai radars dal dibatiment politic e culturâl. Di “Cuistion furlane” no si ’nt fevele plui. Di cent agns incà e esist chê meridionâl, cjare a Gramsci, e su chê miârs e miârs di students a àn fat tesis di lauree, a son stadis fatis ancjetantis cunvignis, ogjet di ogni […] lei di plui +

L’EDITORIÂL / La “bufule meloniane” e la autonomie inte glacere

Walter Tomada
“Si sin indurmidîts furlans, si sin sveâts melonians”: cun chestis peraulis un cjâr amì al à strent intun sproc sintetic il sens des elezions politichis che pardut a àn viodût a vinci fûr par fûr ancje chenti Fratelli d’Italia, il partît di Giorgia Meloni. Di storic i ai rispuindût che 100 agns fa une dì […] lei di plui +

La anteprime / Cors di furlan par gjornaliscj: consegnâts i atestâts

Redazion
Ai 27 di Setembar, te sede di Udin de Regjon Autonome Friûl-Vignesie Julie, a son stâts consegnâts i atestâts ai vincj gjornaliscj che a àn partecipât al prin cors di lenghe furlane inmaneât de ARLeF – Agjenzie Regjonâl pe Lenghe Furlane e dal Ordin regjonâl dai gjornaliscj. La consegne dal document ai professioniscj de comunicazion […] lei di plui +