Friûl e Europe “in Onde” cun KLARIS

Si clame Friûl_Furlanija_Friaul_Friuli, l’Europa batte dove la lingua duole. Identitât, autoguvier, teritori e citadinance europeane e al è un progjet che al met dongje diviersis ocasions di cognossince e di riflession sul pluralisim linguistic e culturâl, sui dirits linguistics, su la citadinance europeane e su la relazion tra unitât europeane, diversitât culturâl, partecipazion civiche e autonomiis teritoriâls.
La iniziative e je de associazion di promozion sociâl e culturâl KLARIS, sodalizi nassût a Udin cun chê di fâ ativitâts tai setôrs des culturis, des lenghis, de agregazion, de ricercje, de integrazion e de solidarietât.
Il progjet, che al ven fat ancje cuntun contribût de Provincie di Udin, al met dongje dôs tipologjiis di intervent. La prime e je chê des trasmissions radiofonichis tematichis dal titul  Friûl_Furlanija_Friaul_Friuli, l’Europa batte dove la lingua duole. Identitât, autoguvier, teritori e citadinance europeane, che vie pal mês di Otubar a an cjatât spazi dentri de programazion di Onde Furlane e che si pues tornâ a scoltâlis in rêt (www.ondefurlane.eu). La seconde e proviôt la realizazion di incuintris publics a Udin e inaltrò, tra Novembar e Dicembar.
Dutis lis informazions sul progjet e su la associazion a son in rêt: https://klarisweb.wordpress.com/. ❚
✒ Redazion