Intal ricuart dal cuarantenâl dal taramot, si à fevelât de ricostruzion e di chel che i disin “Model Friûl” (MF) che par me al è, prime di dut, il risultât no intenzionâl di interazions complessis – tecnichis, sociâls e culturâls ma ancje politichis istituzionâls – che si son gjeneradis intal post taramot e cence nissune particolâr regjie centrâl. Par cierts aspiets al è stât un unicum, par altris al pues jessi ancjemò un bon model di aplicâ in câs di catastrofis. Ma al à tant di insegnâ ancje inte metodiche dal “guvier dal teritori” in cundizions di normalitât.
__ Se par “guvier dal teritori” o intindìn l’insiemi des leçs, normis e struments tecnics aministratîfs che a regolin i intervents sul teritori, no podìn no tignî cont di une idee di ben public che si à di perseguî. Cemût intindi il “ben public”? Dal sigûr, la idee che indi à il stât centrâl e je divierse di chê di un piçul comun di mont. Il MF nus dîs che nol è ben public plui grant dal teritori stes e de sô autonome “ecogjenesi”: al è l’autoguvier dal teritori il ben public dal teritori.
__ Il MF al è, duncje, la afermazion di un ordin ontologjic (cence cjasis siguris nol è un teritori sigûr, ni une rêt di comunitât, e nancje une economie) ma ancje la afermazion di une mission deontologjiche: il destin dal teritori al è intes mans di cui che lu vîf! Assumisi fin in fonts e a nivel locâl il compit e la responsabilitât di sigurâ un futûr al propri teritori al è la etiche dal MF e il vêr messaç ae atualitât e al “guvier dal teritori” (e, forsit, al guvier tout court).
__ Intal fâ chest, il MF al à concepît il podê politic tant che un podê condividût e dal bas bande l’alt o, o disaressin vuê, di “sussidiarietât verticâl”. Se al è cussì, alore, une atualizazion pussibile dal MF e à dôs implicazions operativis impuartantis:
1. Come che, cuarante agns indaûr, il teritori furlan al è stât ogjet e subiet di un procès di ricostruzion dal bas, al pues vuê, che si è esaurît il lunc cicli de espansion edilizie e dal consum conetût di teren, cirî di passâ fûr une crisi, partide za intai prins agns 2000, deventant ogjet e subiet di une ricualificazion largje e profonde (che o ai miôr definî “rigjenerazion”). Al baste che il procès nol sedi planificât e gjestît dal alt in maniere verticistiche e burocratiche ma smicjant invezit ae autonomie massime dai sogjets teritoriâi (sussidiarietât verticâl e orizontâl), compatibil cu la sostignibilitât ambientâl.
2. Ae Regjon i tocje ancjemò il compit, disfrutant la sô Specialitât e delegant al Stât il mancul pussibil, di dâ la direzion al procès. Magari cussì no, no je daûr a fâlu di almancul vincj agns e lis consecuencis si viodin (l’eletrodot Redipulie-Udin Ovest al è li a testemoneâlu!). Ai Comuns e aes lôr agregazions si à di dâur il compit di coordenâ e di planificâ i intervents. Ai privâts citadins e aes impresis chel di concori il plui pussibil ae buine riessude dal risultât finâl. ❚
✒ Sandro Fabbro, professôr di Urbanistiche inte Universitât dal Friûl
Une storie furlane / Orchestre a pletri Tita Marzuttini: passe cent agns di storie cence pierdi la sgrimie
Serena Fogolini
Giovanni Battista Marzuttini, al jere il 1884 cuant che un zovin marcjadant di farinis, Nicolò Serafini, al decideve di meti sù a Udin un circul mandulinistic, striât di chel strument che al veve vude maniere di scoltâ in gracie di un viaç a Rome.◆ Tirade dongje la int e soredut lis risorsis finanziariis, e tacà […] lei di plui +
A torzeon pal Friûl / “Der Voschank”, il spetacul des mascaris sauranis
Sara Traunero
La tradizion dal “Kheirar” e dal “Rölar” e cjape dentri dut il paîs Mascaris bielis e mascaris brutis, cun musis intaiadis intal len e cu lis liniis plui diferentis, a son lis protagonistis assoludis di une ricorence tant curiose che antighe: al è il Carnevâl di Sauris, intal dialet sauran locâl cognossût ancje tant che “Der Voschank”.L’aspiet […] lei di plui +
A torzeon pal Friûl / La maravee di scuvierzi il Carnevâl rosean
Diego Navarria
Cuatri amîs inmagâts de origjinalitât di lenghe, musiche e bai dal Cjanâl incjantonât jenfri lis Musis e la mont Cjanine In ce aventure che mi soi butât! Dut par lâ daûr di mê madone! Cumò, aes trê dopomisdì, achì in machine o sin in cuatri: jo, Mario Dean, 46 agns, professôr di talian tal Marinelli, […] lei di plui +
A torzeon pal Friûl / Il rituâl de Messe dal Spadon nus ripuarte ae ete dai Patriarcjis
Sara Traunero
La memorie e torne indaûr a Marquart, ma forsit la tradizion e je ancjemò plui antighe Ai 6 di Zenâr, in ocasion de fieste de Epifanie, il Comun di Cividât si prepare a celebrâ un rituâl tant curiôs che inmagant: e je la Messe dal Spadon, che par tradizion si fâs tal antîc Domo antîc. […] lei di plui +
Libris simpri bogns / Emilio Nardini, “Par vivi”, Udin, 1921
Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +
Interviste / Numb il cjan scjaladôr (e il so paron Thomas)
Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +