Il nestri colaboradôr Diego Navarria al à vinçût il Premi internazionâl Jacum dai Zeis cun la conte par furlan “La confession”, insiemit a Rosella Soranzo di Duin cun “Una coppia in incognito”.
Il premi al è ideât dal setemanâl Il Friuli in ocasion dai cent agns de muart dal inomenât personaç furlan, e oragnizât in colaborazion cu la Societât Filologjiche Furlane e l’Universitât dal Friûl.
Lis contis a vevin di jessi curtis e di gjenar umoristic, propri tant che lis vicendis che a vevin di protagonist Giacomo Bonutti (l’artesan-comerciant miôr cognossût tant che Jacum dai Zeis) lassadis par vie orâl.
Cente e passe lis contis in concors, 60 in lenghe furlane e 40 par talian, cun autôrs che a vegnin no dome de regjon, ma ancje dal rest di Italie e dal forest (Argjentine e Texas).
