FURLANS, DIGJITAIT FURLAN. Gnove dibisugne: l’hotspot

Vie pes fiestis passadis il regâl tecnologjic numar un al è stât il smartphone, subit daûr o vin il tablet. Simpri mancul telefon, simpri mancul computer tal sens tradizionâl: imprescj gnûfs che nus vierzin lis puartis de rêt in ogni puest dulà che o nin.
Internet a misure di sachete, disvuedade di pueste par tignî vert l’arbul di Nadâl.
La fete siore dal mont si fodre simpri plui di argagns che graziis de tecnologjie WI-FI a disfrutin lis ondis radio par tacâsi cun internet.
Tal stât talian un decret dal ex ministri Pisanu al à cirût di dâi une strente a la nassite di rêts wi-fi libaris ufiartis di bande di esercents privâts, imponint la schedature dai clients prin di fâju acedi a la rêt.
PORDENON PRIME IN CLASSIFICHE_ Ma a ce pont sino cu la disponibilitât di rêts wifi libaris ufiarts dai Ents locâls tai cjaflûcs furlans?
La medaie di aur i spiete a Pordenon cu la sô rêt “Naonis” nassude tal 2010: 17 hotspots in dute la citât cun passe 2000 utents regjistrâts.
Une visite te Biblioteche civiche o lì dal Informagiovani par dâ jù i dâts personâls e je necessarie par acedi.
A Gurize o vin “Guglielmo” cun 9 hotspots (Plance dal Municipi, vie Garibaldi, vie Mazzini, vie delle Monache, Zardin Grant, Teatri Verdi, Punto Giovani, vie Rastiel). Nissune visite tai uficis: la regjistrazion si fâs online e si conferme mandant un sms.
Udin al à dome doi hotspot: place Libertât (dome 2 oris in dì di conession libare) e place XX Setembar (nissune limitazion di timp, prime regjistrazion cuntun sms). ■
Michele Calligaris