Sfuei Mensîl Furlan Indipendent
Archivi de Patrie

Cui aial pôre de “Cuistion furlane”?

Dree Valcic

✽✽ No ven plui nomenade, sparide dai radars dal dibatiment politic e culturâl. Di “Cuistion furlane” no si ’nt fevele plui. Di cent agns incà e esist chê meridionâl, cjare a Gramsci, e su chê miârs e miârs di students a àn fat tesis di lauree, a son stadis fatis ancjetantis cunvignis, ogjet di ogni premesse e promesse eletorâl. Se o vessis la pazience di cjalâsi i programs di ducj i guviers dal dopovuere incà, o notaressis che e salte fûr, simpri e dapardut, tant che prioritât di invistiments e di atenzion. Cemût che e ven frontade al è un altri pâr di maniis, viodûts i risultâts otignûts e il dispendi des financis publichis, e il condurâ – anzit, il rinfuarçâsi – dal podê mafiôs, dal clientelisim e dal assistenzialisim.
✽✽ Cumò e va ancje di mode la cuistion dai zovins, che ducj si jemplin la bocje e in pratiche no fasin nuie di concret. Par chê feminine, i pas a restin simpri dubis e lis diferencis a stentin a ridusisi. No stin po dopo a fevelâ dal ambient, al prin puest intes agjendis governativis, intant che si tornin a vierzi lis centrâls a cjarbon e che chês atomichis a son daûr dal cjanton.
✽✽ Insume, e je une cuistion vierte par ogni problematiche, a segnâ che in cualchi mût e varà di jessi frontade. Viodisi confermade la criticitât, al sigure no ciert la soluzion dal probleme ma la sô esistence: no je une fantasime, e nancje une invenzion o un teoreme astrat.
✽✽ Fâ sparî duncje la cuistion furlane dal orizont dal dibatiment al puarte ae sô negazion, al volê fâ crodi che no esisti tant che realtât di frontâ.
✽✽ A jerin volûts agns par afermâ che un insiemi di situazions storichis, economichis, sociâls, identitariis a costituivin un “unicum” di dâi une rispueste complessive che e veve bisugne di struments di analisi diviers di chei doprâts fin cumò. Al someave che lâ in cheste direzion al fos deventât patrimoni comun ancje tra chês fuarcis che si jerin mostradis plui malprontis a acetâ cheste vision. Inte stesse çampe e pareve acuiside, almancul tant che intindiment, e intal mont catolic e jere di simpri presinte. Fintremai de diestre nazionaliste, e rivave cualchi vôs di consens.
✽✽ Sì: e esist une “Cuistion furlane”che e spiete almancul dal 1946 di jessi frontade. La stesse formule di Regjon Autonome, cu la definizion disgraciade di Friûl-Vignesie Julie, e jere la prove clare di cheste criticitât.
✽✽ Vuê la politiche e navighe inte fumate des prospetivis, cence strategjiis pal futûr, e afermâ la dibisugne di ricjapâ la “Cuistion furlane” tant che element vitâl di un disvilup pussibil par chestis tieris, al è viodût tant che un intop, tant che un pês fastidiôs di frontâ.
✽✽ Di plui: lu calcolin un pericul pe spartizion dal podê. A àn pôre che la lint identitarie, unic strument bon par cjalâ bande la “Cuistion furlane”, si dimostri tant che il rimandel par fâ saltâ i lôr plans di arogante egjemonie. ❚

Lenghe minoritarie / FluxJudri25 – Giassico

Redazion
Conferece “Lingue minoritarie: le capitali della cultura e il rilancio del territorio” . A son intirvignûts Elena Gasparin, Dree Valcic president de Clape di Culture Patrie dal Friûl, Eros Cisillino president ARLeF, William Cisillino diretôr ARLeF, l’On. Guido Germano Pettarin e il coletif Lis Tarlupulis. FluxJudri25.Ca sot l’intervint di Valcic. lei di plui +

L’EDITORIÂL / Un Friûl disarmât

Walter Tomada
Lant ator pe Italie dispès al capite, cuant che si dîs di jessi furlans, di cjatâ int che nus dîs “Ah, mi visi dal Friûl! O ai fat il militâr a Udin!”. Prin dal taramot, un abitant su dîs chenti al jere un soldât e cheste ereditât di “tiere di primulis e casermis” se puartìn […] lei di plui +

Contile juste / Plebissît pustiç

Diego Navarria
“MMandi, nono.” “Mandi frut!” “Dai mo, nono, no soi un frut. O ai disenûf agns e o ai pene finît il liceu!” “Par me tu sarâs simpri un frut, il prin nevôt. Però e je vere, tu sês deventât grant, une anime lungje. Se tu cressis ancjemò tu varâs di sbassâti par jentrâ in cjase, […] lei di plui +

Presentazion / Presentazion dal libri “Fûc su Gurize”. Intal ambit dal Cors Pratic di Lenghe e Culture Furlane inmaneâtde Societât Filologjiche Furlane

Redazion
Joibe ai 17 di Avrîl dal 2025 aes sîs e mieze sore sere (18.30)SALE CONFERENCIS DE BIBLIOTECHE COMUNÂLVie Rome 10, Vile di Ruvigne / Via Roma 10, S.Giacomo di Ragogna A intervegnin: DIEGO NAVARRIA colaboradôr dal mensîl ‘La Patrie dal Friûl’e DREE ANDREA VALCIC president de Clape di Culture ‘Patrie dal Friûl’Jentrade libare lei di plui +

5 Par mil / DANUS UNE MAN

Redazion
5 PAR MIL – Ancje chest an, cu la declarazion dai redits tu puedis dâi une man a La Patrie dal Friûl, il mensîl dut in lenghe furlane dal 1946. Nol coste nuie, baste meti il numar 01299830305 te casele juste: Sostegn dal volontariât e des altris organizazions no lucratîvis di utilitât sociâl, des associazions […] lei di plui +