«Si fasin codis lungjis fin des primis oris de matine par comprâ ancje dome un pac di farine», «cui che nol à sparagns al mûr», «si evitin i ospedâi: no son medisinis e nancje miedis pes terapiis», «si riscje la vite par un pac di paste». In Setembar Dree Valcic nus contave di ce che al sta sucedint ai furlans dal Venezuela e chestis a son dome cualchidune des testemoneancis che Enzo Gandin, za president dal Fogolâr Furlan di Caracas par 15 agns, al è daûr a racuei e che al à puartât ae atenzion dal president de Provincie di Udin Pietro Fontanini e dal president dal Ente Friuli nel Mondo Adriano Luci. Gandin, dopo 59 agns di permanence in Sud Americhe, une ativitât imprenditoriâl impuartante e rûi di rilêf intes istituzions locâls, intal 2010 al à decidût di tornâ in Friûl propit par vie di une situazion economiche e sociâl deventade insostignibile.
«Une cundizion ben piês rispiet di chê de Argjentine» al comente. La Provincie di Udin, midiant di Ente Friuli nel Mondo, e vûl ativâ ogni iniziative par dâ une poie ae comunitât furlane in Venezuela. «O volìn destinâ ai furlans in Venezuela un aiût economic» al riferìs Fontanini «O stin valutant, viodude la situazion politiche dificile, lis soluzions operativis miôr e plui eficacis». ❚
Redazion
Zovins di gale / Sborf, il zûc par induvinâ e imparâ peraulis par furlan che al à za concuistât miârs di personis
Erika Adami
Daûr un grup zovin che al à a cûr la lenghe furlane Un sborf di un biel colôr vert slusint al è il simpatic compagn di zûc par cui che al à voie di induvinâ e imparâ peraulis in lenghe furlane sul propri dispositîf digjitâl. Chest de fin di Març, cuant al è rivât Sborf […] lei di plui +
Galerie fotografiche / Cuinte edizion di “Stin dongje ae patrie”
Redazion
Pe rassegne Avostanis, Domenie ai 4 di Otubar li dai Colonos si è tignude la cuinte edizion di “Stin dongje ae Patrie“. La storiche riviste furlane e a fât fieste par i siei otante agns e e a cjalât al avignî adun cul mont de culture, de musiche, dal associazionisim, dal sport tal ricuart no […] lei di plui +
Stin dongje ae Patrie / La storiche riviste furlane e fâs fieste par i siei otante agns
Redazion
Pe rassegne Avostanis, Domenie ai 4 di Otubar aes 3 dopomisdì li dai Colonos a Vilecjaze di Listize tierce edizion di Stin dongje ae Patrie. La storiche riviste furlane e fâs fieste par i siei otante agns e e cjale al avignî adun cul mont de culture, de musiche, dal associazionisim, dal sport tal ricuart […] lei di plui +
La piçade / Salts, lavoradôrs e… laris. Almancul i laris a fevelin par furlan
Mastiefumate
Che il rapuart tra il Messaggero Veneto e la lenghe furlane nol fos dai miôr, si saveve. Par esempli su la partide dal secul tra la nazionâl furlane e chê groenlandese, nancje une rie par furlan. Si spietavin che al vignìs ripuartât a caratars cubitâi il sproc tal strisson puartât in cjamp dai zuiadôrs intant […] lei di plui +
Gnovis pai fruts / I Gnognosaurs a imparin a svolâ: al rive in edicule «Tal blu piturât di blu», il gnûf album di colorâ
Redazion
Daspò dal sucès dal prin album vignût fûr a Nadâl, i simpatics dinosauruts che a fevelin par furlan a proponin pal Istât une gnove aventure: il professôr Einsaur e il so fedêl assistent Blik a provin di svolâ, ispirâts dai pterodatils. Rivarano? ◆ A partî de fin di Jugn al è rivât tes ediculis dal […] lei di plui +
Gnovis / LA PATRIE DAL FRIÛL AL SALON DAL LIBRI DI TURIN 2026
Redazion
Dai 14 ai 18 di Mai no steit a cirînus, noaltris de “Patrie”: no sarin in Friûl, ma inaltrò.◆ No, no lìn in esili. Pal moment, jessi “furlans che no si rindin” nol è ancjemò une colpe. Salacor lu deventarà, ma pal moment o podin jessi “libars di sielzi” di lâ in “mission”. Une mission […] lei di plui +