Chest an o vin volût vierzi une gnove rubriche par presentâ dutis Par fâ chest o vin domandât la colaborazion de Societât Furlane di Archeologjie che dal 1989 si impegne cetant su dut il teritori par valorizâ e promovi il nestri patrimoni culturâl.
Il Progetto Paestum de SFA
Ducj a cognossin la famose Paestum, la antighe citât de Magne Grecie declarade patrimoni mondiâl dal UNESCO e che vuê si cjate in provincie di Salerno, un sît dulà che ogni archeolic al volarès podê lavorâ almancul une volte. Vuê cheste esperience le podin fâ i students des scuelis superiôrs di Udin in gracie di un progjet une vore ambiziôs ma ben fat de SFA, che e à organizât e promovût la iniziative.
Il progjet, partît 10 agns indaûr, al previôt un stage intal museu e intal parc archeologjic di Paestum, ocasion uniche a nivel nazionâl pai students des superiôrs. Seguîts dai esperts volontaris de Societât i fantats a puedin provâ cun man ce che al vûl dî “fâ l’archeolic”, i studis, lis tecnichis, il lavôr, ma ancje la grande passion che cheste materie e puarte cun sè. In gracie di ativitâts didatichis, visitis vuidadis in altris sîts archeologjics de Campanie e dal sgjâf vêr e propri i zovins a jentrin cussì tun mont variegât e inmagant e a madurin une sensibilitât pal patrimoni storic, artistic e archeologjic che e je la uniche forme di salvece pai nestris Bens culturâi.
Chest an a son stâts ben 121 i zovins che a àn podût partecipâ, dividûts in trê grops cuntune permanence di une setemane par grop; lis scuelis di Udin che a àn partecipât a son stadis il Liceu sientific “G.Marinelli”, il Liceu artistic “G. Sello” e l’Istitût tecnic “C. Deganutti”. Ma tai agns a son stâts plui di 700 i zovins students furlans che a àn fat part di chest progjet, che a àn puartât in lûs plui di 3000 metris cuadris de citât antighe e imparât lis tecnichis di sgjâf e di ricercje. Tai agns che a vegnin la Societât Archeologjiche e vûl slargjâ la ufierte formative a divieris altris scuelis che a àn fat domande par partecipâ.
Di cualchi timp al è ancje atîf un sît internet par savênt di plui su la iniziative: www.progettopaestum.org. ❚
✒ Venusia Dominici e Giovanni Filippo Rosset
L’EDITORIÂL / Jù lis mans dal Tiliment
Walter Tomada
Traviersis, cassis di espansion, puints e viadots autostradâi, potenziament dal idroeletric: al mancje dome di metisi a sgjavâ cu lis trivelis par cirî gas o petroli! Ma parcè il Tiliment, che tancj studiôs a stimin jessi l’ultin flum salvadi de Europe, isal sot di dutis chestis menacis, invezit di jessi tutelât e protet cemût che […] lei di plui +
(L)Int Autonomiste / Cui aial pôre de “Cuistion furlane”?
Dree Valcic
✽✽ No ven plui nomenade, sparide dai radars dal dibatiment politic e culturâl. Di “Cuistion furlane” no si ’nt fevele plui. Di cent agns incà e esist chê meridionâl, cjare a Gramsci, e su chê miârs e miârs di students a àn fat tesis di lauree, a son stadis fatis ancjetantis cunvignis, ogjet di ogni […] lei di plui +
L’EDITORIÂL / La “bufule meloniane” e la autonomie inte glacere
Walter Tomada
“Si sin indurmidîts furlans, si sin sveâts melonians”: cun chestis peraulis un cjâr amì al à strent intun sproc sintetic il sens des elezions politichis che pardut a àn viodût a vinci fûr par fûr ancje chenti Fratelli d’Italia, il partît di Giorgia Meloni. Di storic i ai rispuindût che 100 agns fa une dì […] lei di plui +
Gnovis / La Patrie dal Friûl e presente il libri “Anime in crôs”, scrits di pre Antoni Beline e Agnul Floramo su Pier Paolo Pasolini, inteletuâl furlan.
2 di Novembar 1975 – 2 Novembar 2022 a 47 agns di chê volte che al fo sassinât Pier Paolo Pasolini “In chest libri us presentìn un “bote e rispueste” imbastît cu lis riflessions di doi autôrs che a cuasi 30 agns di distance a lein cuntune sintonie e une simetrie speciâl lis oparis di […] lei di plui +
La anteprime / Cors di furlan par gjornaliscj: consegnâts i atestâts
Redazion
Ai 27 di Setembar, te sede di Udin de Regjon Autonome Friûl-Vignesie Julie, a son stâts consegnâts i atestâts ai vincj gjornaliscj che a àn partecipât al prin cors di lenghe furlane inmaneât de ARLeF – Agjenzie Regjonâl pe Lenghe Furlane e dal Ordin regjonâl dai gjornaliscj. La consegne dal document ai professioniscj de comunicazion […] lei di plui +
Gnovis / Gnûf libri di Diego Navarria pe La Patrie dal Friûl, “Patriarcjis tal cûr de Europe”
Redazion
Joibe ai 13 di Otubar aes 6 sore sere (18:00) te Librarie Tarantola di Vie Vittorio Veneto 20 a Udin al è stât presentât il libri “Patriarcjis tal cûr de Europe”. Contis curtis e curiosis che a piturin cun snait lis figuris plui simbolichis de autonomie e de identitât de Patrie dal Friûl: i patriarcjis […] lei di plui +