Il Friûl al torne grant protagonist dal Zîr di Italie. E lu fâs cul Zoncolan, che ai 19 di Mai al cjaparà la atenzion di ducj i apassionâts des dôs ruedis. La corse colôr di rose e restarà in Cjargne ancje ai 20 di Mai, tornant a partî di Tumieç e rivant a Sapade. Rivis sù che a podaressin decidi il Zîr di Italie numar 101, che si conferme une oportunitât impuartante di fâ cognossi la tiere furlane, cun dutis lis sôs particolaritâts linguistichis e culturâls e la varietât dal paisaç.
Sabide ai 19 di Mai la corse e partirà di S. Vît dal Tiliment e, in 181 chilometris, si frontaran 5 Grancj premis de mont e 4.400 metris di disnivel. Si tocjarà la Mont di Ruvigne cu lis sôs pendencis altis, duncje la rive di Davai e intai ultins 45 chilometris, cence un metri di plan, si scjalaran Pas Ribatût, Siele Valcjalde e la Mont dal Zoncolan (de cueste plui dure, chê di Davâr). La dì dopo, domenie ai 20, e sarà la volte de tape dolomitiche di Tumieç a Sapade, da pît des risultivis de Plâf, de lungjece complessive di 180 chilometris. I coridôrs a passaran cheste volte la Val dal Tiliment, cun passaç a Vile, Dimpeç, For Disot, For Disore, pal Pas de Maurie fin al Pas di Trê Crôs e a chel di S. Antoni. Sperìn pardabon che tantis bandieris dal Friûl a svintulin al passaç de caravane dal Zîr.
GNOVIS / Par che il popul furlan al salti fûr dal taramot cul cjâf e vîf
Redazion
Lunis ai 11 di Mai a lis 18,30 te Glesie di Sante Marie sul Cjiscjel di Udin. Glesie Furlane, cun la Arcidiocesi di Udine e Clape di Culture Patrie dal Friûl a 50 agns dal taramot o volìn ricuardâ ducj i muarts e dutis chês personis che tai agns si son dadis da fâ par […] lei di plui +
GNOVIS / Il gnûf libri de Patrie: «Di scjas in scjas» di Agnul Floramo, su la storie dai taramots in Friûl. Presentazions a Majan, Pavie e Udin.
Redazion
Un libri su la storie dai taramots in Friûl nol esisteve. Il libri «Di scjas in scjas, i taramots inte storie furlane» di Agnul/Angelo Floramo al ripasse in mût clâr e cronologjic la storie dai taramots in Friûl, mostrant tant che il pericul sismic al sedi une presince costante inte nestre storie. La pene fortunade di Floramo e acompagne il […] lei di plui +
Fotografiis / Tante int e partecipazion ae presentazion dal gnûf libri, “CHENTI” di Diego Navarria
Redazion
La prime des iniziativis pai 80 agns de “La Patrie dal Friûl” (1946-2026). O vin presentât ai 27 di Fevrâr tal Salon di Palaç Belgrado di Udin, il gnûf libri, “CHENTI” romanç furlan di Diego Navarria. A son intervegnûts la gjornaliste Martina Delpiccolo e il diretôr da La Patrie dal Friûl Walter Tomada, l’autôr Diego […] lei di plui +
L’EDITORIÂL / I taramots che no si viodin
Walter Tomada
“Mê mari e veve 5 agns. E ricuarde che tai dîs dopo il taramot si viveve ducj insiemi e si davin ducj une man un cul altri. E prove tenarece e displasè pe int che no je plui, ma ancje tante braùre pe fuarce dimostrade de int furlane in cheste disgracie. Mê mari si vise […] lei di plui +
Musiche furlane fuarte / “Surtùm”: il gnûf progjet discografic dal cjantautôr Massimo Silverio
Alessio Screm
Al vûl dî “palût”, “paludere”, e tal furlan di Çurçuvint si dîs “surtum”. Al è il titul dal gnûf album dal cjantautôr Massimo Silverio, artist cjargnel, musicist e autôr che al dopre la lenghe mari intune maniere dal dut particolâr. Al cjante in cjargnel, chel vecjo cjargnel imparât dai nonos e che cumò si stente […] lei di plui +
Cristina Delli Santi, la siore dal pugjilât furlan
Dree Venier
Juste maridade cul tecnic Gianluca Calligaro,e je cognossude e preseade di ducjpal so lavôr te palestre di vie Marangon Galeotto fu il ring. Vê cognossût Gianluca Calligaro, tecnic preseât de Pugjilistiche Udinese che al puarte indenant la scuele dal mestri Remo Venzo, al è stât par Cristina Delli Santi la faliscje di une relazion, saldade […] lei di plui +