Midiant de storie dai cognons furlans, si fâs ancje la storie dal nestri Friûl. Chest mês us proponìn 5 cognons che nus son stâts domandâts dai letôrs su la pagjine Facebook dal mensîl La Patrie dal Friûl (gjavâts fûr di I cognomi del Friuli di Enos Costantini e Giovanni Fantini ed. La Bassa/LithoStampa; o ringraciìn i autôrs pe disponibilitât e pe colaborazion).
——–
MASOTTI / MASOTTO
Al ven di Mâs, forme scurtade di Tomâs cun zontât -ot, che al veve une funzion incressitive.
1296 Masotto filio d.nus… de Spegninberg; 1365 Nicolao olim Masoti de Mels; 1401 Nicolao q. Henrici Masotti de Silisans teste in Buja; 1606, 11 nov. Giovanni e figlio Dom.co Graffi da Cisterna si riappacificano con Tomaso Masotti con cui rissa con feriti.
Masotti al è tipic di Cjiscjerne di Cosean, ma si cjatilu ancje a Codroip. Masotto si cjatilu a S. Denêl.
FAION
Forsit di faja, la pomule dal faiâr, che une volte e jere aliment pai purcits. Intun document dal 1397: Purcielg chi son staz in fayo quest an passat. E tal 1500: purciel nudrit in faie. Ma al podarès jessi ancje l’incressitîf di fau, la forme plui antighe di faiâr. Cognon di Muris di Ruvigne, Manià, Secuals, Tramonç Disore, Midun.
1343 Odorico quondam Jacobi Odorici Fayon de Spegnimbergo; 1591 Valentino Faioni di Chiavriis accusato di eresia.
TADDIO
E je une variant dal non Taddeo. Cognon di Denemonç, ma si cjatilu ancje a Tumieç e a Udin.
1488, 7 di Mai m.° Taddeo orefice in Spilimbergo con bottega in borgo vecchio; 1488 Nardus de Lonardo de Tadio fitt. in Carpeneto dei nobb. della Torre; 1512 Taddeo de Tadeis notaio di Flambro abitante a Belgrado.
VECILE
Dal non Vecil, scrit ancje Vezzil (par talian Vecello), une volte in voghe, che al è la version furlane dal todesc Wetzel e e je la forme popolâr dal non Silvestro.
1333 Vecelo q. d.no Damiani di Portogruaro, notaio in Udine; 1418 Silvester dictus Viecigl de Gagliano; 1515, 6 di Fevr. Domenico Vuezil di Colza compra biade in S. Daniele.Cognon origjinari di Vît e presint a Denemonç, Çurçuvint e Forgjarie.
CIROI
Ciroi al voleve dî chirurc, che une volte al podeve jessi ancje un barbîr, e il so lavôr al jere soredut chel di gjavâ sanc e cuinçâ stracueladis. Cognon tipic di Gonârs, si cjatilu ancje a Gurize e a Udin.
1432 Antonio di Giacomo Ciroi da Nogaredo di Corno; 1440 Laurentius Ciroicus de Verona a Cividale; 1659 Andrea Ciroi di Flaibano, stalliero del Co. Florio di Udine.❚
par cure di Michela De Fazio
