Rap o vilotis? Zorutti o Pasolini? Filastrocjis dal passât o poesiis di vuê? In Orizzonti Verticali – la gnove produzion Leggermente/Puntozero cun Doro Gjat, Agnul Floramo e Carlotta Del Bianco – musiche, imagjins, poesiis, dialics si fondin, par dî cemût che lis lidrîs culturâls di une tiere, a ben che necessariis, no puedin arsîsi, ma a scuegnin pluitost incalmâ gnovis ideis bande il futûr. Prossims apontaments vinars ai 9 di Novembar, aes 9 di sere, a Comelians (sale L’Alpina) e domenie ai 2 di Dicembar, aes 9 di sere, a S. Vît dal Tiliment (auditorium Zotti). ❚
Redazion
