Sfuei Mensîl Furlan Indipendent
Archivi de Patrie

ATUALITÂT – Vasinis: tra “moleas e cirigniculas” al rive AvaMont

............

Inaugurazion de mostre
Inaugurazion de mostre

Ricognossiment pai emigrants
Ancje Vasinis, paîs li che al è nassût Pre Luigi Ridolfo, il pari dai emigrants, al à volût dî graciis ae sô int ator pal mont. Prime di vierzi la famose fieste “das moleas e das cirigniculas”, si è tignude la piçule ma sintude cerimonie “AvaMont – Premi cûr di Vasinas pal Mont”. Tredis emigrants rientrâts pes feriis dal Lussemburc, de France e dal Canadà, a àn ricevût des mans dal president de Pro Loco Giovanni Rodaro, e cu la buine peraule di Pre Gjulio Ziraldo, une sporte ecologjiche e “furlane” disegnade di Dree Venier, cun dentri un biel “pês” di libris, regalâts de Regjon e de Fondazion Crup. Preseade e je stade ancje la copie di Lui de “La Patrie dal Friûl”, tant che une siore premiade e à dit: «Cumò, cuant che o torni a cjase, o fâs un biel cuadrut cu la cuviertine de Vespa e i fâs viodi il gjornâl ancje ai miei amîs!». Sintût ancje il regâl de bandiere – chê vivarose dal Friûl – e la ceramiche cun in rilêf il Friûl, la acuile patriarcjine e la scrite Vasinis, ideade di une zovine pitore di Vençon.
Sierade la premiazion, l’Assessôr Regjonâl Elio De Anna e il sindic di Trasaghis Augusto Picco a àn screade la mostre “In viaggio”: cent agns di fotografiis de emigrazion, sielzudis dal Ammer (Archivi Multimediâl de Emigrazion Regjonâl), cu la zonte di une selezion di bielis imagjins su la emigrazion di Vasinis, sielzude di Pieri Stefanutti.  (D. M.)

L’EDITORIÂL / La multiculturalitât e valorize il grant e il piçul

Zuan Marc Sartôr
Belle époque. Un student di Gurize al viaze cul tren dilunc la Südbahn (la Ferade Meridionâl, di Viene a Triest). Al torne a cjase dopo agns di studi inte universitât de capitâl imperiâl. Al à frecuentât la preseade facoltât di fisiche, là che si davuelzin lis prestigjosis lezions dal professôr Jožef Štefan, il famôs fisic […] lei di plui +

L’EDITORIÂL / LA PATRIE DAL FRIÛL AL SALON DAL LIBRI DI TURIN

Walter Tomada
Dai 19 ai 23 di Mai no steit a cirînus, noaltris de “Patrie”: no sarin in Friûl, ma inaltrò.◆ No, no lìn in esili. Pal moment, jessi “furlans che no si rindin” nol è ancjemò une colpe. Salacor lu deventarà, ma pal moment o podin jessi “libars di sielzi” di lâ in “mission”. Une mission […] lei di plui +

L'editoriâl / Macroregjons, une oportunitât di racuei

Alessandro Ambrosino - Graduate Institute, Gjinevre
Lis strategjiis macroregjonâls a son la ultime “invenzion” UE par favorî la cooperazion teritoriâl. Trê di cuatri si incrosin in Friûl Intai ultins agns, la Union Europeane si è sfuarçade in maniere vigorose di vignî dongje di plui ai citadins e – su la fonde di chest cambi di rote – e à ricognossût une […] lei di plui +