Borsis in ribàs. Crisi finanziarie. Il capitalisim al è tornât a meti in discussion. Si domandisi se pardabon no sei dibisugne di rivalutâ il rûl dal stât, e cui che al salvarà i nestris sparagns. De Americhe ae Europe, la pôre e ‘simine tra i spargnadôrs e i investitôrs.
Tal mont arabic e regne la trancuilitât. I esperts di finance islamiche a confermin che lis bancjis islamichis, propit par vie de lôr nature particolâr, no son stadis tocjadis de crisi finanziarie. Al contrari dai istitûts europeans (ma soredut americans), a stan e a son stadis lontanis dal debt trading e des speculazions finanziariis. Adnan Ahmed Yousif, CEO dal grup bancari Albaraka, tal Bahrein, al conferme: “Lis bancjis islamichis no si basin sul trading dal debit, parcè che si fondin su la leç de Sharia. Dal sigûr la crisi mondiâl e varà efiets ancje su di lôr, ma a saran efiets indirets, leâts massime ai fonts ocidentâi li che lis bancjis islamichis a àn cuotis di investiment”. Cuotis in proporzion tant ridote di no sei par nuie un azart pal lôr capitâl.
A resisti miôr ai scjassons de crisi no son duncje i prodots di inzegnerie finanziarie ocidentâl, ma ben i islamic bonds, i tradizionâi sukuk, ven a stâi obligazions compatibilis cu lis leçs de Sharia, une vore mancul sofisticadis ma ciert plui siguris par vie che a rispietin il principi che al improibìs di investî bêçs in impresis finanziariis leadis a events di caratar inciert. Une vore di istitûts di credit ocidentâi a àn vualmât lis potenzialitâts di chei prodots, tant che si son vierts, ancje se bemplanchin, a gnovis prospetivis e a gnûfs marcjâts. Di chê altre bande des spuindis dal Mediteranei, la Dubai Bank e à planificât la vendite di 500 milions di dolars in bonds islamics, e tal timp e à chê di emeti altris 5 miliarts di dolars par cirî di rivâ tal 2013 a sei une des plui grandis bancjis finanziadoris islamichis, mentri che il Dubai Banking Group, di proprietât de Dubai Holding, al à cuistât une cuote de Bank Islam, une des plui grandis impresis bancjariis de Malesie.
La finance islamiche e à za dimostrât il so potenziâl dilunc de crisi finanziarie asiatiche dal 1997-1998.
Cun di plui, lis bancjis islamichis a van indenant a ufrî une lungje schirie di prodots finanziaris “alternatîfs” tant che l’Ijarah Bitamlik e la Murabaha, e par principi no acetin l’alt risi dai prodots finanziaris tradizionâi: a ogni transazion e corispuint une ativitât reâl e concrete, e investî in operazions riscjosis, caraterizadis de incertece e de speculazion, al è paragonât al zûc di azart, e duncje al è vietât dal Coran.
Salacor, ancje pai furlans la salvece e podarès vignî dal tornâ ai valôrs, se o rivassin a tornâ a di chê serietât e a di chê scletece tipichis de nestre tiere. No lis speculazions a ducj i coscj, no i bêçs tal centri de vite dal om.
Chiara Segrado
Esperte di microfinanze, zà impleade ae Bancje Mondiâl
A torzeon pal Friûl / Il rituâl de Messe dal Spadon nus ripuarte ae ete dai Patriarcjis
Sara Traunero
La memorie e torne indaûr a Marquart, ma forsit la tradizion e je ancjemò plui antighe Ai 6 di Zenâr, in ocasion de fieste de Epifanie, il Comun di Cividât si prepare a celebrâ un rituâl tant curiôs che inmagant: e je la Messe dal Spadon, che par tradizion si fâs tal antîc Domo antîc. […] lei di plui +
Libris simpri bogns / Emilio Nardini, “Par vivi”, Udin, 1921
Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +
Interviste / Numb il cjan scjaladôr (e il so paron Thomas)
Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +
Int di Cjargne / “La gallinella saggia” che a Cjavaç e insegne a produsi e a mangjâ ben
Marta Vezzi
La aziende agricule biologjiche La Gallinella Saggia e je nassude 7-8 agns indaûr: “La idee e je stade di mê mari – e conte Caterina Pillinini – che e à simpri fat orts e cjamps, e duncje e je une vite che si dediche ae coltivazions di tancj prodots; vint il ristorant Borgo Poscolle e […] lei di plui +
Sport… che ti trai! / Pietro Corredig e Sonia Borghese: une vite di pignatis a scufiots
servizis di Francesco Tonizzo
La cubie dai cjanalots, un di San Pieri e une di Miers, e à vinçût il campionât talian di machinis storichis e il titul european, simpri cun Sanremo intal destin Inzen, passion, amôr, dedizion, voie di zirâ il mont, spirt competitîf, leam cun il teritori des Vals dal Nadison, e risultâts une vore preseâts. Il […] lei di plui +
L’EDITORIÂL / La identitât e ven dai zovins
Walter Tomada
Une zornade di incuintri pai Conseis dai Fantats Al à fat scjas il senatôr Roberto Menia che al à declarât di volê gjavâ il furlan de scuele e dal ûs public. Al jere di un pieç che nissun rapresentant des istituzions al pandeve clâr di volê scancelâ lis normis di tutele, ma salacor a son […] lei di plui +