Il bloc “Lavôr, democrazie e libertât”, sostignût dal principâl partît curdi BDP, al rive a un travuart di impuartance storiche cjapant 36 seçs in parlament cuintri i 22 dal 2007. Tra i candidâts indipendents che a àn vinçût a son Leyla Zana, premi Sakharov, e Hatip Dicle, a vuê in preson, ma ancje Ertugrul Kurkcu, leader dal moviment studentesc dal 1968.
LIS ELEZIONS_ Il Partît di Justizie e Disvilup (AKP) dal prin ministri Erdogan, al podê dal 2002, al à cjapât il 49,93% dai vôts cuintri il 46% dal 2007, sigurantsi une tierce legjislature consecutive, ma al à pierdût seçs: 326, cuintri i 341 dal 2007.
Il Partît republican dal Popul (CHP) al è rivât secont cul 25,93% dai vôts (135 seçs) cuintri il 20,88%, seguît dai nazionaliscj dal MHP (Partît di Azion nazionaliste) cul 13,02% (54 seçs) cuintri il 14,27%. L’AKP al à vude une grande sconfite in tantis citâts curdis tant che Diyarbakir, Mardin, Sirnak, Agri, Van, Bitlis, Kars e Siirt, mentri che il BDP al à viodût a cressi i siei vôts in dutis lis citâts li che al à presentât candidâts indipendents, fûr che a Dersim (Tunceli).
LA VITORIE_ Daûr dai risultâts, il Bloc al à vinçût in 17 citâts: Diyarbakir (6 su 6), Hakkari (3 su 3), Sirnak (3 su 3), Mardin (3 su 3), Van (4 su 4), Istanbul (3 su 3), Batman (2 su 2), Mus (2 su 2), Urfa (2 su 2), Mersin (1), Siirt (1), Bitlis (1), Agri (1), Igdir (1), Bingol (1), Adana (1), Kars (1).
Il BDP al à vût di presentâsi cun candidâts indipendents par rivâ al liminâr eletorâl dai 10% sul plan nazionâl, par podê otignî une rapresentance parlamentâr.
FUARCE DECISIVE_ Come pes elezions precedentis, il BDP al formarà un grup in parlament, deventant une fuarce decisive pe cuistion curde. In dut il paîs a son stâts grancj imbrois e violazions dal dirit di vôt, massime te regjon curde. Tantis delegazions europeanis a son stadis daûr al davuelzisi dal scrutini, e la presince di fuarcis dal ordin tai seçs eletorâi e je stade denunciade des delegazions curdis e europeanis. I eletôrs a son stâts obleâts a votâ in maniere palese in presince dai soldâts in tancj vilaçs, come Diyarbakir, Bitlis, Konya, Ardahan, Van, Urfa, Bingol e Dersim.
Redazion
Zovins di gale / Sborf, il zûc par induvinâ e imparâ peraulis par furlan che al à za concuistât miârs di personis
Erika Adami
Daûr un grup zovin che al à a cûr la lenghe furlane Un sborf di un biel colôr vert slusint al è il simpatic compagn di zûc par cui che al à voie di induvinâ e imparâ peraulis in lenghe furlane sul propri dispositîf digjitâl. Chest de fin di Març, cuant al è rivât Sborf […] lei di plui +
Galerie fotografiche / Cuinte edizion di “Stin dongje ae patrie”
Redazion
Pe rassegne Avostanis, Domenie ai 4 di Otubar li dai Colonos si è tignude la cuinte edizion di “Stin dongje ae Patrie“. La storiche riviste furlane e a fât fieste par i siei otante agns e e a cjalât al avignî adun cul mont de culture, de musiche, dal associazionisim, dal sport tal ricuart no […] lei di plui +
Stin dongje ae Patrie / La storiche riviste furlane e fâs fieste par i siei otante agns
Redazion
Pe rassegne Avostanis, Domenie ai 4 di Otubar aes 3 dopomisdì li dai Colonos a Vilecjaze di Listize tierce edizion di Stin dongje ae Patrie. La storiche riviste furlane e fâs fieste par i siei otante agns e e cjale al avignî adun cul mont de culture, de musiche, dal associazionisim, dal sport tal ricuart […] lei di plui +
La piçade / Salts, lavoradôrs e… laris. Almancul i laris a fevelin par furlan
Mastiefumate
Che il rapuart tra il Messaggero Veneto e la lenghe furlane nol fos dai miôr, si saveve. Par esempli su la partide dal secul tra la nazionâl furlane e chê groenlandese, nancje une rie par furlan. Si spietavin che al vignìs ripuartât a caratars cubitâi il sproc tal strisson puartât in cjamp dai zuiadôrs intant […] lei di plui +
Gnovis pai fruts / I Gnognosaurs a imparin a svolâ: al rive in edicule «Tal blu piturât di blu», il gnûf album di colorâ
Redazion
Daspò dal sucès dal prin album vignût fûr a Nadâl, i simpatics dinosauruts che a fevelin par furlan a proponin pal Istât une gnove aventure: il professôr Einsaur e il so fedêl assistent Blik a provin di svolâ, ispirâts dai pterodatils. Rivarano? ◆ A partî de fin di Jugn al è rivât tes ediculis dal […] lei di plui +
Gnovis / LA PATRIE DAL FRIÛL AL SALON DAL LIBRI DI TURIN 2026
Redazion
Dai 14 ai 18 di Mai no steit a cirînus, noaltris de “Patrie”: no sarin in Friûl, ma inaltrò.◆ No, no lìn in esili. Pal moment, jessi “furlans che no si rindin” nol è ancjemò une colpe. Salacor lu deventarà, ma pal moment o podin jessi “libars di sielzi” di lâ in “mission”. Une mission […] lei di plui +