Sfuei Mensîl Furlan Indipendent
Archivi de Patrie

FOTO GALLERY. Midune de Livence

............


MIDUNE NOL TORNE IN PATRIE
Nuie di fâ pal referendum che si è davuelt a Midune jenfri i 30 di Novembar e il prin di Dicembar. Sui 2667 di lôr clamâts a meti une crôs sul “sì” o sul “no” par tornâ o mancul in Friûl a son lâts a votâ dome in 1123, oben il 41 par cent, no avonde par rispietâ la cuote minime dal 50% plui un dai eletôrs. Bisugne tignî cont però che 563 citadins di Midune a vivin tal forest.
Duncje e je lade mâl al comitât nassût par fâ tornâ in Patrie il comun cumò in Venit, in provincie di Trevîs, e distacât dal Friûl ae metât dal Votcent. Nol è servît nancje l’apontament inmaneât ai 16 di Novembar stâts par meti adun lis realtâts dal Venit che a vuelin cambiâ regjon: Pramaiôr, Cint, Sant Micjêl, Sapade, Midune (in Friûl); Lamon, Sovramonte e Cortine (in Trentin). Il scjars interès al à fat lâ al mancul l’impegn de presidente dal comitât referendari, Marica Fantuz.
Alessio Potocco