I imprenditôrs furlans dai traspuarts: «La politiche e decît cence vê dâts afidabii»
La interviste dute “in rose” dal president de Autoritât portuâl dal Alt Adriatic, Zeno D’Agostino, publicade sul numar di Zenâr/Fevrâr de “Patrie”, e podeve dome che lescjâ un (san) dibatiment. Lu nudrìn, in cheste pagjine, cu la opinion di doi operadôrs impuartants dal setôr traspuarts in Friûl, che a butin provocazions impuartantis. Se Massimo Masotti, par Confindustrie Udin, al individue intal proliferâ di struturis intermodâls (in plui di Çarvignan, a son Gurize e Pordenon) un element di debilece pal Friûl, Bernardino Ceccarelli, dal alt de sô esperience pluridecenâl, al bole la improvisazion di cui che al lance progjets cence vê sot man i dâts precîs dai trafics e dai bisugns, e al stigmatize la disposizion de politiche che e ignore la opinion des categoriis economichis.
di Roberto Pensa
