Sfuei Mensîl Furlan Indipendent
Archivi de Patrie

A proposit di Friûl e Europe: a ‘nd coventarès di plui

............

Nus coventin plui Friûl e plui Europe. Al è ce che al è saltât fûr vie pai incuintris publics, fats a Udin e a Felet, tra Dicembar e Fevrâr, inte suaze di Friûl_Furlanija_Friaul_Friuli, l’Europa batte dove la lingua duole. Identitât, autoguvier, teritori e citadinance europeane, il progjet metût adun de bande de associazion di promozion sociâl e culturâl KLARIS, cun chê di promovi la cognossince e la riflession sul pluralisim linguistic e culturâl, sui dirits linguistics, su la citadinance europeane e su la relazion tra unitât europeane, diversitât culturâl, partecipazion civiche e autonomiis teritoriâls.

La iniziative, inmaneade ancje cul jutori de Provincie di Udin e cu la colaborazion di diviers sogjets dal teritori, dopo de serie di trasmissions radiofonichis tematichis, che vie pal mês di Otubar a vevin cjatât spazi dentri de programazion di Onde Furlane e à intivât conessions tra Friûl e Europe, massime tai cjamps de creativitât, de promozion dal teritori, des identitâts linguistichis, de narative popolâr, de storie, de politiche e de informazion. (Redazion)

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +