Lis rogazions di pre Toni Beline

Tal 2011, Glesie Furlane e veve publicât il libri “rogazions” di pre Toni Beline, une anticipazion de sô Opera Omnia. Intal mês di Dicembar dal stes an, La Patrie
dal Friûl e veve publicât la jentrade al libri, scrite di Claudio Violino, chê volte assessôr ae agriculture de Regjon.
Par Pre Toni Beline, lis rogazion a rapresentin la vite, il simbul reâl di un mût di jessi, vêr e sclet dal popul furlan, gjenuin, dulà che la culture materiâl e spirituâl si incjarne inte tiere, inte vite su pe Tiere.
Un libri profont che us conseìn di lei, parche che al invide a rifleti cence ipocrisie su pe grande impuartance che al à il vivi diret, fuart e vitâl cu la tiere, scune e tombe dal om. Come che al ricuarde Violino: «Pre Antoni su chei temis achì al devente profetic, al viôt plui in là dai siei voi, al cjale cun voi trassendentâi… Al è il Pre Antoni plui dolç e afetuôs, delicât e poetic, cuasi intim, in confidence cu la anime, come che al saveve jessi cui amîs.» ❚
✒ A.S.