Sfuei Mensîl Furlan Indipendent
Archivi de Patrie

5 cd “simpri bogns” di musice corâl furlane

............
I cuatri côrs
La foto di cuatri dai côrs di cui si fevele

Cinc discs di côrs furlans par percori la storie de musiche de Patrie:

Ermeneia et cantu movere (Côr Vincenzo Ruffo di Çarvignan in colaborazion cul Ensemble Dramsam), dai discjants di Aquilee e Cividât viers la evoluzion de polifonie.
Percorsi di vita cantata (Côr Peresson di Darte), la storie di Cincuante agns di un dai côrs plui impuartants de Cjargne, diret di Arnaldo De Colle, par une antologjie complete dal cjant in Friûl.
O cjali il Cîl (Capele Musicâl Albino Perosa in colaborazion cul côr G. Tomat di Spilimberc, diret di Giorgio Kirschner), tredis tocs in furlan scrits e rangjâts dal grant compositôr furlan Albino Perosa.
Par furlan (Fvg Gospel Choir in colaborazion cun diviers musiciscj furlans), une antologjie riconsiderade dai classics de musiche furlane in clâf gospel e jazz.
I cantori di Cercivento. L’onoranda compagnia dei cantori della Pieve di San Martino (Onorande compagnie dai cjantôrs di Çurçuvint), un libri-cd scrit di Chiara Grillo e Celestino Vezzi, che al percor la storie dal cjant di tradizion orâl inte epoche dal Patriarcjât. ❚
Alessio Screm

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +