Sfuei Mensîl Furlan Indipendent
Archivi de Patrie

ATUALITÂT – Galassie emigrazion

............

Ente Friuli nel Mondo: cun cirche 200 Fogolârs sparniçâts in Italie e pal Mont je la plui grande associazion di coordenament dai emigrants e lôr dissendent. Al publiche il mensîl «Friuli nel Mondo» e tra l’altri al organize cors di lenghe taliane e post laurea in colaborazion cu la Universitât dal Friûl, la Regjon e lis Associazions di categorie: www.friulinelmondo.com
E.F.A.S.C.E. Ente Friulano Assistenza Sociale Culturale Emigranti. Cun sede a Pordenon e je leade a la Curie Concuardiese, i circui clamâts «segretariati» a son atîfs soredut ta lis americhis in progjets di formazion professionâl, numerosis lis publicazions e ricercjis stampadis ogni an. www.efasce.it
A.L.E.F. (Associazione Lavoratori Emigrati del Friuli – Venezia Giulia) Nassude tal 1968 in ambient sindacâl di çampe, e je ative soredut in Argjentine, Svuizare e Belgjiche, tai ultins agns e je impegnade ancje a pro dai imigrants che a sielzi il Friûl par lavorâ e vivi. www.alef-fvg.it
E.R.A.P.L.E. (Ente regionale A.C.L.I. per i problemi dei lavoratori emigrati) E je leade al mont dal associazionism catolic, al organize, in colaborazion cun Region F-VJ e chês altris associazions, cors di formazion professionâl pai dissendents dai migrants.
Slovenci po Svetu (Union dai Emigrants Slovens, ndr), cun sede a Cividât dal 1968 e je impegnade soredut a pro dai emigrants de Slavie Furlane residents in Svuizare, Nord e Sud America. www.slovenciposvetu.org
Clape – Friûl dal Mont, e je une cueste di Ente Friuli nel Mondo creade par coinvolzi e assisti i ex emigrants in ativitât sociâi e di promozion de memorie de diaspore. www.clape.it
Cjase dai Furlans pal Mont, screade tal 2005 te Vile Deciani di Vilalte di Feagne, e je une fondazion presiedude di Mario Toros leade a Ente Friuli nel Mondo.
Associazione Due Mondi, zovine asociazion di promozion sociâl pai ex emigrants rimpatriâts dopo de resinte crisi Argjentine, e opare ta lis scuelis par creâ un leam tra migrants e residents.
A.N.E.A. (Associazione Nazionale Ex Emigranti Australia ed Americhe) ative in azions culturâls, previdenziâls e ricreativis ta la Provincie di Pordenon li che e je numerose la comunitât di furlans tornâts de Australie.
O segnalìn ancje:
A.M.M.E.R. Archivi Multimediâl de Memorie de Emigrazion Regionâl www.ammer-fvg.org
Museu de Emigrazion a Cjavàs Gnûf.
Daniele Martina

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +