✽✽ Il timp nus cor daûr e la pazience divine, ancje se e je infinide, al è miôr no sfidâle. Un riferiment biblic che, intun mês tant che Dicembar – cul Nadâl che nus ven ufiert tant che moment e ocasion di riflession su noaltris e sul mont dulintor – al varès di fânus tornâ a pensâ la storie dal popul furlan e il rûl che chest al è stât clamât a vê.
✽✽ Cuant che o fevelìn des lidrîs cristianis e ancjemò prime de spiritualitât dai siei prins abitants, cuant che o tornìn a lâ ae ereditât che nus è stade consegnade di “Aquileia Mater”, no si riferìn a un insiemi di sintiments, compuartaments che si son sedimentâts dilunc dai secui, formant il DNA de nestre int, ma a alc di ancjemò plui profont, tant potent che no si pues dimostrâlu in maniere razionâl, ma dome midiant di un at di fede: o o crodìn di vê un compit precîs, une mission di fâ pe umanitât tant che puartadôrs dal messaç aquileiês ancje in timps modernis, o pûr rassegnìnsi al anonimât, ae rese devant de globalizazion e ae uniformitât.
✽✽ Sigûr, se o doprassin struments sientifics o podaressin ancje provâ a dâ une esplicazion logjiche a cheste nestre diversitât di popul: il vê mantignude la lenghe, il jessi logâts di un pont di viste gjeografic tal centri de Europe, il vê savût integrâ intal nestri tiessût uman e sociâl ogni invasôr, il jessi stâts, in maniere direte o indirete, che nus plasi o no, protagoniscj de storie europeane e no dome. Ducj elements che a rindin cheste tiere uniche inte sô diversitât.
✽✽ Se però o fevelìn di fede, e je la cussience a risultâ determinante par tacâ un troi e puartâlu insom, ancje se za al sune tant che un miracul il fat che il Friûl e i furlans a esistin ancjemò in dì di vuê.
✽✽ Cun dut chel che o vin passât, il vê rivât ogni volte a ripiâsi al varès di fânus capî che forsit o varessin di fevelâ di “destin”, come se mantignî impiade la flame di chê ereditât aquileiese di tramandâ al fos plui fuart di ogni contrarietât.
✽✽ Un messaç universâl di fradilance, pâs e libertât, une sperance partide di Alessandrie di Egjit e rivade in Friûl par anunziâ un mont gnûf.
✽✽ Vênt cussience, jessi testemonis atîfs e je une grande responsabilitât, ma al è ancje il regâl plui biel di Nadâl che o podìn fâ ae nestre int. ❚
Gnovis / A tornin a jessi in volum li “LETARIS AI FURLANS” di Pre Bepo Marchet
Redazion
Une biele gnove pe nestre int! A tornin a jessi in volum li “LETARIS AI FURLANS” di Pre Bepo Marchet Intune edizion curade e comentade di Davide Turello, a saran presentadis MIERCUS AI 3 DI AVRÎL aes 5 e mieze sot sere inte sale consiliâr dal Comun di Glemone No stei a mancjâ! Us spietìn! […] lei di plui +
Gnovis / Ae presentazions dal libri “Feminis furlanis fuartis”, cetant public! Graziis
Redazion
Te seste edizion de rasegne “Quando le Donne” curade da la Aministrazion Comunâl di Romans, cu la autore, Walter Tomada, diretôr de “La Patrie dal Friûl”. A Cormons ur daran acet i Amîs da Mont Quarine, cu la autore a son intervignûde Roberta Nunin, professoresse ordenarie di Dirit dal lavôr ae Universitât di Triest, e Carlotta Del Bianco, […] lei di plui +
Rassegne stampe / Articul dal Messaggero Veneto dai 15-3-2024 su la presentazion dal nestri libri “Feminis Furlanis Fuartis” di Erika Adami
RedazionL'EDITORIAL / Preâ par furlan al è onôr e no pecjât
Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +
Gnovis / Acuile sportive furlane
Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +
Cungjò / Bonsignor Duilio Corgnali al è tornât ae cjase dal pari
Redazion
Al è cun profont displasè che o vignìn a savê che bonsignor Duilio Corgnali al è tornât ae cjase dal pari. O pandin dut il corot de “Patrie dal Friûl” e la ricognossince pes bataiis che un passion, inteligjence e fuarce morâl al à combatût pe int furlane e pe dignitât de nestre lenghe come […] lei di plui +