Intune epoche dulà che la int e cjape apontament in linie par fâ un incuintri, ancje la realtât artistiche e veve di vê la sô part. Cussì, tal Istât dal 2016 al è nassût il mont di “Toks”.
“Toks” al è il prin mosaic in rêt che al ten dongje i “tocs” di Friûl, plui o mancul cognossûts. Ce sono alore chescj “toks”? Lu vin domandât al ideadôr dal progjet Stefano Taboga, cjantant e produtôr musicâl furlan, che al à metût in pîts prime “Toks World” e daspò al à creât la etichete musicâl “Toks Records” cun «l’obietîf di meti dongje une rêt di tocs, che a son i artiscj, i locâi e il public. Nol è dome un pont di riferiment o vetrine artistiche, ma ancje une plateforme in cinc lenghis. Un mieç di comunicazion e di informazion fat e finît.»
Baste la a curiosâ su Facebook o su la pagjine Toks.world par cjatâ, cognossi e sielzi dutis lis propuestis e artiscj dal teritori che ogni dì a colaborin.
La famee di “Toks” si è presentade pe prime volte al so public ai 5 di Novembar cun il “Toks Day” dulà che si son esibîts i artiscj produsûts sot de etichete. 15 cjantants a formâ un mix di gjenars e di sonoritâts: la band funky/soul dai The Mad Scramble, i rocketârs Simone Piva e I Viola Velluto, il rock prog di Parco Lambro, l’alternative rock dai Lefter, il punk rock dai Commando, il grup indie Paz Manera, il brit rock dai Reveers, la cjalde vôs soul di Rose, il country dai Blue Cash e infin il grup rock/blues dai High Jackers.
Iscrivêtsi duncje a Toks.world e no stait mancjâ al prossim apontament cul miôr de musiche furlane a Dicembar cul “Christmas a Toks”.
✒ Moira Pezzetta
Tante int e partecipazion ae presentazion dal gnûf libri, “CHENTI” di Diego Navarria
Redazion
La prime des iniziativis pai 80 agns de “La Patrie dal Friûl” (1946-2026). O vin presentât ai 27 di Fevrâr tal Salon di Palaç Belgrado di Udin, il gnûf libri, “CHENTI” romanç furlan di Diego Navarria. A son intervegnûts la gjornaliste Martina Delpiccolo e il diretôr da La Patrie dal Friûl Walter Tomada, l’autôr Diego […] lei di plui +
L’EDITORIÂL / I taramots che no si viodin
Walter Tomada
“Mê mari e veve 5 agns. E ricuarde che tai dîs dopo il taramot si viveve ducj insiemi e si davin ducj une man un cul altri. E prove tenarece e displasè pe int che no je plui, ma ancje tante braùre pe fuarce dimostrade de int furlane in cheste disgracie. Mê mari si vise […] lei di plui +
Musiche furlane fuarte / “Surtùm”: il gnûf progjet discografic dal cjantautôr Massimo Silverio
Alessio Screm
Al vûl dî “palût”, “paludere”, e tal furlan di Çurçuvint si dîs “surtum”. Al è il titul dal gnûf album dal cjantautôr Massimo Silverio, artist cjargnel, musicist e autôr che al dopre la lenghe mari intune maniere dal dut particolâr. Al cjante in cjargnel, chel vecjo cjargnel imparât dai nonos e che cumò si stente […] lei di plui +
Cristina Delli Santi, la siore dal pugjilât furlan
Dree Venier
Juste maridade cul tecnic Gianluca Calligaro,e je cognossude e preseade di ducjpal so lavôr te palestre di vie Marangon Galeotto fu il ring. Vê cognossût Gianluca Calligaro, tecnic preseât de Pugjilistiche Udinese che al puarte indenant la scuele dal mestri Remo Venzo, al è stât par Cristina Delli Santi la faliscje di une relazion, saldade […] lei di plui +
Gnûf libri / I ‘haiku’ par furlan, inglês e gjaponês: la sfide vinçude di Christian Romanini
Walter Tomada
Cui che al lei “La Patrie dal Friûl” al cognos ben Christian Romanini che par cetancj agns al è stât une colone di chest gjornâl. La so ativitât a pro dal furlan no s è mai fermade e cumò e je rivade a proponi un biel model di scriture, bon di associâ la marilenghe a […] lei di plui +
Art tal tac / Pestefun, il ‘grunge’ par furlan che al fâs vibrâ e che al spache, al ven di Codroip
Moira Pezzetta
Al è un gnûf sun che al travierse il Friûl. Nol rive des planuris de Basse, ma nancje des ostariis plui imbusadis. Al è un sun ruspi, eletric, che al sgrife e al scjasse: chel dai Pestefun, tercet di Codroip che al puarte il grunge dentri de lenghe furlane. Trê i struments, trê i musiciscj, […] lei di plui +