Sfuei Mensîl Furlan Indipendent
Archivi de Patrie

TERITORIS. Sud Tirôl: campagne sorepartitiche a favôr de dople citadinance

............

Seticisim in Austrie_ “Cheste dople citadinance e significarès un miorament de cualitât dal nestri status”, al à dit Brugger tal cuotidian plui let sudtirolês “Dolomiten”.
Il delegât nord-tirolês e president de comission parlamentâr austriache pal Sud Tirôl, Hermann Gahr, al à za esprimût il sô seticisim rivuardant la propueste e al sosten che dut chest al podarès provocâ une sglavine di propuestis in altris paîs”.
Sosten pe SVP de bande de Union e dai Verts _
Sopuart par Brugger, intant, al è rivât de bande de Union pal Sud Tirôl. Il Vicepresident dal partît de Union, Harald Grünbacher al sosten i desideris dal governadôr Luis Durnwalder (SVP) che al propon une garanzie dal stât austriac pal Sud Tirôl e la dople citadinance.
In part a pro ancje i Verts: “La dople citadinance tes regjons di confin e podarès jessi une soluzion europeane che e vierç lis frontieris a promovi une identitât plurâl”.
Cun dut a chel, la propueste e je te sô forme atuâl plui che problematiche parcè che e limite la pussibilitât di acuistâ la dople citadinance dome a chei sudtirolês che a puedin mostrâ che i lôr vons le vevin vude te monarchie asburgjiche. Chest criteri però al provocarès conflits e controversiis, a àn pôre i Verts.
I Süd-Tiroler Freiheitliche a critichin il svicinament de SVP_ La critiche des azions de SVP e je rivade dai liberâi. Il president dal partît, Pius Leitner, al à descrivût la azion dal SVP tant che “diletante, incoerente e confondude” e al capìs la reazion negative austriache. Al è però sosten dai liberâi pe resinte propueste dal deputât de Cjamare Siegfried Brugger de SVP a pro di une petizion.
Vôts a favôr te Rêt_ La pagjine Südtirol Online www.stol.it e à davuelt une indagjin sul teme de dople citadinance. Des 45000 rispuestis, il 55% des personis a jerin in ogni câs a favôr “Ja, auf jeden Fall.”, invezit il 29% a jerin cuintri “Nein, das interessiert mich nicht”.
JANEZ ERAT

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +