Sfuei Mensîl Furlan Indipendent
Archivi de Patrie

TERITORIS – SLOVENIE. Une imprese in salût

............

Une des impresis plui impuartantis dal setôr de edilizie in Slovenie e je la Kraški zidar (voltant il non par furlan al sarès «muredôr dal Cjars»). Nassude a Sežana tal Mai dal 1947, la societât e à in dì di vuê uns 500 impleâts, e tal 2008 pe prime volte e à passât cuote 100 milions di euros di faturât. Vie pai agns, Kraški zidar e à fat sù in dute la Slovenie edificis residenziâi, comerciâi, industriâi, albiercs ma ancje puints, stradis e autostradis; lavôrs fûr de Slovenie a son stâts puartâts indevant cuasi dome tai paîs de ex Jugoslavie. Cun di plui, di agnorums la societât e fâs di sponsor pe locâl scuadre di bale tal zei che cumò e zuie te seconde leghe nazionâl.
ALESSIO POTOCCO

Libris simpri bogns / Emilio Nardini, “Par vivi”, Udin, 1921

Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +

Interviste / Numb il cjan scjaladôr (e il so paron Thomas)

Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +

L’EDITORIÂL / La identitât e ven dai zovins

Walter Tomada
Une zornade di incuintri pai Conseis dai Fantats Al à fat scjas il senatôr Roberto Menia che al à declarât di volê gjavâ il furlan de scuele e dal ûs public. Al jere di un pieç che nissun rapresentant des istituzions al pandeve clâr di volê scancelâ lis normis di tutele, ma salacor a son […] lei di plui +