Sfuei Mensîl Furlan Indipendent
Archivi de Patrie

Campions dal mont su la nêf e in aghe

JANEZ ERAT

Il Sport al è in Austrie determinât des sôs condizions gjeografichis, montagnis simpri taponadis di nêf, condizions ideâls pai sports invernâi. I austriacs a disin che i lôr sucès a son leâts simpri ae aghe, sedi in forme plui salde tant che la nêf sedi aghe tant che aghe.
«Passâ il timp cul sport nol è timp pierdût.», al è il slogan de politiche. Pal guvier il sport al à un significât une vore impuartant, cuntun efiet positîf su la asistence sanitarie e sul disvilup de personalitât, la integrazion sociâl e no pal ultin sul sintiment regjonâl e nazionâl.
Il sport al è za deventât und fatôr impuartant de economie austriache. Za plui di dîs parcent dai puescj di vore a dipindin dal sport.
Un biel ricognossiment internazionâl e à ricevude la gnove leç «anti doping», che e sigure un control possibil di bande di une istituzion indipendente 24 su 24. A disposizion ancje plui bêçs e competencis cumò si spint 1,2 milions di euro (in confront: in Gjermanie si spint dome 1,8 milions di euro).
Il sport nol è dome la plui impuartante «robe secondarie»,
ma un fatôr sociâl e economic:
– 30 medaiis intai ultins zûcs olimpics a Turin e Athene
– rôl dominant tal schi
– numar dai diplomâts di sport cressint di 201 tal 2000 a 344 tal 2006
– organizazions e supuart finanziari cu la sume record di 100 milions di euro
– boom des ufiertis di sport e salût te suaze de azion «Fit für Österreich»
– 500.000 funzionaris onoraris – 42.000 impleâts a timp plen
– 355.000 impleâts te sfere de economie di sport
– 3 milions di membris intes associazions e unions di sport
– 2 events: il campionât european di balon 2008 e di balon a man 2010

––––––––––––––––––––––––––––––––––––––––––––––––

EROIS E LEIENDIS
A cjâf de classifiche lis dissiplinis dal schi
Cu la ecezion dai zûcs di Tokio (1964) i austriacs a tornarin ogni volte almancul cuntune medaie. A prevalin i 185 medaiis intes dissiplinis dai sports invernâi soredut il schi, mancul sucès tal istât cun adun 95 medaiis. Dôs voltis i zûcs invernâi e veve organizât la Austrie, ducj i dôs voltis a Innsbruck 1964 e 1976.
La leiende assolude austriache cun trê medaiis di aur al è Toni Sailer il «Gold-Toni». Daspò il so prin grant sucès a 16 agns, al vincè cinc agns daspò trê voltis l’aur olimpic a Cortine tal 1956.
La classifiche dai zûcs estîfs le mene il gjinast Julius Lenhart cun dôs voltis aur e un argjint tal 1904 a St. Louis. Subit daûr a vegnin, Gregor Hradetzky il multitalent e dupli vincidôr tal canoe, dôs voltis aur a Berlin 1936. Grant talent su la nêf, pront a partecipâ ai zûcs invernâi a Garmisch tal 1936, purtrop tal ultin moment lu fermà une feride.
I austriacs si visin cun gjonde dai sucès di Peter Seisenbacher che al fo il prin che al veve difindût il titul olimpic di Judo tal 1984 a Los Angeles e cuatri agns dopo a Seoul. Dopo chest al ven elet trê voltis tant che atlete (1984, 1985, 1988) dal an. Vuê al mene trê scuelis di Judo. La sô popolaritât e de un gran sburt al judo sport in Austrie.
PECHIN 2008
Sperancis di medaiis
In partence pai zûcs di Pechin a son 70-75 atletis, la prime sperance di sucès al è dal sigûr il recordist mondiâl su la 200 m tal stîl dues il nadadôr Markus Rogan, benvolût e une vore presint tes mediis. La schirie dai nadadôrs e je ancje la plui numerose, a bande di Rogan a smicjin a un metal di aur ancje Dinko e la sô sûr Mirna Jukic´.
Fuart ancje il cjamp dai judoka, ducj i trê nominâts (Ludwig Paischer, Claudia Heill, Sabrina Filzmoser) a tignin di olme une medaie, soredut Paischer il campion european (– 60kg). Une medaie e podarès tignî in man ancje la ex-austral e vincidore dal triathlon olimpic di Atene Kate Allen.
Il Duo di aur te classe (vele) Tornado Hagara-Steinacher al va dret pal aur daûr a coronâ la cariere dopo il dopli sucès tal 2000 e 2004. Se a tornaressin di Pechin cuntune medaie di aur a saran il numar un inte classifiche di ducj i timps tal sport austriac.
Il balon al è un gjeneradôr di puescj di vore numar un
Secont il segretari di stât pal sport e maratonist Lopatka il balon al è dentri de sfere di sport job-motôr numar 1 in Austrie. Al è za deventât un fatôr impuartant de economie austriache, lis associazions di balon a screin plui di 5500 puescj di vore cuntune creazion di valôr di 280 milions e une capacitât di compre di 230 milions di euro.
Tant che sport des massis cun sô 600.000 atîfs in 2.200 associazions, stazant dome il efiet positîf sul sisteme di salût si fevele di un sparagn di coscj su di 77 milions di euro.
Calade in man però la bilance sportive de scuare austriache te »Euro 2008«, al dûl di plui vê pierdût cuintri il grant fradi la Gjermanie.
Malcuiete ancje la gastronomie che si cjate denant di cassis vueidis, e veve sierât l`event cuntune nule nere, ma un grum di lôr ancje cuntun minus ros.

Apontaments / AVÔT DAL FRIÛL

Redazion
Furlans,a son passe 50 agns che si cjatìn a Aquilee la dì de fieste dai sants Macôr e Fortunât palAVÔT DAL FRIÛLe o cjantìn Messe te nestre lenghe, tal spirt di chê libertât che si iludevin di podê respirâ almancul in glesie scomençant a doprâ il Messâl, che al è ancjemò intune spiete penose par […] lei di plui +

Gnovis / “Feminis furlanis fuartis” di Erika Adami a vicino/lontano e al Salon internazionâl dal libri di Turin

Redazion
La Patrie dal Friûl e segnale doi apontaments che le viodin protagoniste cul libri “Feminis furlanis fuartis” di Erika Adami, che e fâs part de golaine “La machine dal timp”. Te suaze dal festival vicino/lontano, rivât ae vincjesime edizion, Erika Adami e moderarà l’incuintri “Feminis. Talents di no strassâ” che al nas des esperiencis contadis […] lei di plui +

Comunicât / Cungjò, Aureli. Nus lasse un grant omp, Aureli Argemì, che si è batût pai dirits dal popul catalan e par chei di ducj i popui minorizâts. Il comunicât in lenghe catalane e furlane.

Dree Venier
BARCELONA Aureli Argemí, fundador i president emèrit del Centre Internacional Escarré per a les Minories Ètniques i les Nacions (CIEMEN), ha mort aquest dilluns als 88 anys, segons ha informat l’entitat en un comunicat. Nascut a Sabadell el 1936 i llicenciat en teologia a Roma i París, va ser monjo de Montserrat, va formar part […] lei di plui +