TERITORI – AUSTRIE. Un paron austriac in Formule 1

Il taur stirian Dietrich «Didi» Mateschitz (nassût tal 1944), al è fondadôr e proprietari (49%) de produzion di bevandis energjietichis Red Bull GmbH, sul marcjât dal 1987. Il gjeni dal marketing al è rivât adore a meti sul marcjât in pôc timp il drink energjetic plui popolâr dal mont.
Cul non di Mateschitz si lein i ultins sucès storics; pe prime volte te storie de Formule 1 e je stade – in gracie dal talent todesc Sebastian Vettel che al rive tal 2009 al puest di David Coulthard – une machine di corse rosse-blancje-rosse, su la pole position.  Al è il plui zovin pilote di Formule 1 (nassût tal 1987) che al vedi otignût une pole position e vinçût un Gran premi. Al à tacât in Australie te prime gare cuntune prestazion une vore buine (secont puest); e al è lât indevant cussì ancje tal secont zîr in Malesie. Il 18 di Avrîl, in Cine, i pilotis a dan ae Red Bull la grande gjonde di un trionf dopli: Vettel prin e il coleghe Webber secont. I gjornaliscj di dut il mont a àn fevelât di chest sucès e lu àn nomenât tant che il  prossim «Schumi». La Austrie e je braurose dal so gnûf «Austro-Team», e otimiste in mert al futûr. Jenson Button (51 ponts) al somee za masse lontan, no cate che la scuadre Red Bull e Sebastian Vettel (23 ponts) no àn pierdude inmò la sperance. «A son ancjemò une vore di garis», al dîs Vettel. E Niki Lauda i da reson intune interviste resinte: «I circuits miôr pe Red Bull a an ancjemò di vignî».
Janez Erat