1919 Il tratât di pâs di Saint Germain
Il cjapitul V dal tratât di Saint Germain al previôt l’ûs de lenghe minoritarie denant de cort e te istruzion elementâr, e il finanziament di ativitâts sociâls e culturâls de minorance.
1920 Dôs setemanis prin dal plebissît, il guvier carinzian al promet di tutelâ la lenghe e la culture dai slovens. Pe propagande, al dopre la lenghe slovene.
10 di Otubar dal 1920, plebissît.
Te Basse Carinzie, il 59% al vote pe Austrie. Di chel, ancje il 40% dai slovens.
1945 La Austrie sot la ocupazion aleade
Daûr dal model dai Grisons, si introdûs la istruzion bilengâl obligatorie te regjon in cuestion. Il sloven al devente obligatori ancje pai todescs.
1955 Il Tratât di Stât
Cul Tratât di Stât si torne a la Austrie la sovranitât plene. L’articul 7 dal Tratât al tutele i slovens in Carinzie e in Stirie, e i cravuats tal Burgenland; al sigure il dirit di meti sù organizazions, riunions e stampe, la istruzion elementâr e secondarie e l’ûs uficiâl de lenghe minoritarie, la segnaletiche bilengâl e la improibizion di ativitâts cuintri la minorance.
1957 A permetin di gnûf lis ativitâts de organizazion nazionâl todescje Heimatdienst.
1958 La leç scolastiche pe minorance
La leç scolastiche pe minorance (Minderheitenschulgesetz) e la leç sul ûs denant des autoritâts judiziariis (Gerichtssprachengesetz) a fasin calâ il sloven obligatori in Carinzie: dai 12.000 fruts, 10.000 si son disnotâts de scuele bilengâl. La lenghe si tire indaûr de vite publiche.
1976 Assalt ai cartei
Il guvier Kreisky, cu la leç Ortstafelgesetz, al proviôt a meti sù in 205 lûcs i prins cartei bilengâi. La cuote minime necessarie e je il 20% di popolazion di minorance.
Lis «fuarcis todescjis», cul supuart publicistic dal Heimatdienst, a rispuindin cul «assalt ai cartei» (Ortstafelsturm). I cartei no vegnin metûts sù.
1976 «Volksgruppengesetz»
Il 7 di Lui dal 1976 e je fate buine la leç gjenerâl su lis minorancis «Volksgruppengesetz». Si scree la funzion dai conseîrs di minorance (Volksgruppenbeiräte), cun competencis vonde limitadis. Pe segnaletiche bilengâl, e vâl la cuote minime dal 25%.
1977 Decret su la topografie
Cul decret su la topografie (Topographieverordnung), la aplicazion de leç su la segnaletiche bilengâl e devente pussibile. A vegnin metût sù i prins dai 91 cartei in Carinzie.
1992-93 Ai ongjarês di Viene, ai slovacs (1992) e ai Roms e Sinti (1993) ur ven ricognossût il status di minorance nazionâl.
1997 Cuntune decision dal Cort Costituzionâl (23.12.1997) la lenghe cravuate e devente lenghe uficiâl in sîs dai siet distrets dal Burgenland.
2000 I prins cartei bilengâi par todesc e par cravuat
La cuestion de segnaletiche si môf ancje tal Burgenland. A vegnin metût sù i prins cartei bilengâi (51) su la base dal decret dal 1977.
2001 Dopo che l’avocat sloven Rudi Vouk al veve mostrât la ilegjitimitât de segnaletiche monolengâl, la Cort costituzionâl e scancele la leç su la segnaletiche dal Volksgruppengesetz (1976) che e previodeve la cuote dal 25% de popolazion di minorance necessarie pe segnaletiche bilengâl, ridusintle al 10%. E impon tal 2001 la instalazion dai cartei che a mancjin.
2009 Ancje la grande coalizion sot il cancelîr socialdemocratic Werner Faymann e cîr une soluzion di compromès. Lis organizazions dai slovens a domandin di meti sù i cartei che a mancjin, daûr la decision de Cort Costituzionâl.
Janez Erat
Sindic jo mame / “La nestre int no à mai molât. Covente fâ, no lamentâsi, par saltâ fûr dal pantan”
Walter Tomada
Alessandro Marangoni: la Aclif e deventarà istituzion di riferiment pai furlans “La Assemblee dai sindics furlans e je une realtât necessarie. E cul timp e deventarà ancjemò di plui un pont di riferiment pe identitât de nestre int”. Al è sigûr di chest Alessandro Marangoni, prin citadin di Dartigne, che al crôt tant inte Aclif […] lei di plui +
(L)Int Autonomiste / Autodeterminazion e dirits pai popui, uniche strade di pâs
Dree Valcic
✽✽ No podìn sigûr fâ fente che la vuere in Ucraine no dedi une serie di problemis intrigôs ancje aes fuarcis che si riclamin ae autodeterminazion dai popui e al ricognossiment dai dirits des minorancis etnichis. Prin di dut, ce che al è daûr a sucedi al è la ultime dimostrazion che chei problemis no […] lei di plui +
L'editoriâl / Macroregjons, une oportunitât di racuei
Alessandro Ambrosino - Graduate Institute, Gjinevre
Lis strategjiis macroregjonâls a son la ultime “invenzion” UE par favorî la cooperazion teritoriâl. Trê di cuatri si incrosin in Friûl Intai ultins agns, la Union Europeane si è sfuarçade in maniere vigorose di vignî dongje di plui ai citadins e – su la fonde di chest cambi di rote – e à ricognossût une […] lei di plui +
Ricorence / Pier Pauli Pasolini om contraditori e segnâl di contradizion
Pre Toni Beline
Tal centenari de muart di Pier Pauli Pasolini o ripuartìn a tocs la tierce part dal libri scrit di Antoni Beline tal 1993 ‘Trilogjie tormentade’, che e rivuarde propit il poete di Cjasarse I. RISPIETÂ IL MISTERI DAL OMLa sience plui dificile e je la cognossince di se stes. E se al è grivi cognossi […] lei di plui +
Int di Cjargne / La sporte de spese a km zero a ‘La Polse’ di Chiara e Matteo
Marta Vezzi
Di cualchi dì al è stât screât un gnûf servizi intal spaç e ristorant di Chiara e Matteo “La Polse di Cougnes” a Zui, indulà che si pues cumò cjatâ e comprâ prodots locâi. “La idee e je nassude pal fat che za nô intal ristorant o doprìn avonde materiis primis dal teritori – e […] lei di plui +
Il numar in edicule / Jugn 2022
Dree Venier
Jugn 2022 – L’EDITORIÂL. La multiculturalitât e valorize il grant e il piçul / (L)INT AUTONOMISTE. Il pericul centralist al è tal Dna dai partîts talians / PAGJINE 2 – LA STORIE. Di Udin a Pesariis par promovi la mont e i prodots furlans / INT DI CJARGNE. Aziende Agricule Rovis Sabrina di Davài di […] lei di plui +