Cussì a àn fat i Duran Duran e i Subsonica. A pontâ su iTunes al è ancje il furlan Aldo Rossi che al à a pene publicât “virtualmentri” lis 14 cjançons dal album “Furlan”. Il cjantautôr al è un cognossidôr e animadôr de Rêt: un blog che i stan daûr in tancj, un sît istituzionâl (www.aldorossi.net) e une presince verglemade tai social network (dibot 10mil visitis al toc “A là sù” tal canâl YouTube). «Tantis personis mi scoltin dal forest e la distribuzion musicâl su iTunes e risolf i problemis de spedizion», al sclarìs Aldo. «E je une buine soluzion ancje par cui che al vûl discjamâ dome un toc invezit di dut il disc, in plui che un mût par mantignî in vite discs vieris che no saressin ristampâts». Il ledrôs de monede al è che «si piert la magjie dal cd: un album nol è fat dome di cjançons ma ancje di tescj, fotografiis, cuviertinis e de stesse sielte musicâl de scjalete». Nus fasarìn bastâ il scoltâ virtuâl un tic mancul magjic, spietant il gnûf dopli cd “in cuarp e anime” intitulât “La vite e la muart”. In Avrîl une cerce, cul singul in anteprime “Il Gjaul”.
Natascia Gargano
Gnûf libri / I ‘haiku’ par furlan, inglês e gjaponês: la sfide vinçude di Christian Romanini
Walter Tomada
Cui che al lei “La Patrie dal Friûl” al cognos ben Christian Romanini che par cetancj agns al è stât une colone di chest gjornâl. La so ativitât a pro dal furlan no s è mai fermade e cumò e je rivade a proponi un biel model di scriture, bon di associâ la marilenghe a […] lei di plui +
Art tal tac / Pestefun, il ‘grunge’ par furlan che al fâs vibrâ e che al spache, al ven di Codroip
Moira Pezzetta
Al è un gnûf sun che al travierse il Friûl. Nol rive des planuris de Basse, ma nancje des ostariis plui imbusadis. Al è un sun ruspi, eletric, che al sgrife e al scjasse: chel dai Pestefun, tercet di Codroip che al puarte il grunge dentri de lenghe furlane. Trê i struments, trê i musiciscj, […] lei di plui +
Presentazion / Libri “Sport… che ti trai!”
Redazion
Sabide 18 di Otubar, a 11 a buinore a Çarvignan te Cjase de Musiche, “La Patrie dal Friûl” e varà un spazi intal program dal biel Festival del Coraggio che si davuelç a Çarvignan fintremai a domenie. Stant che il program di chest an al fevele di oms e feminis che a puartin indenant valôrs di […] lei di plui +
La zornade / “Stin dongje ae Patrie” 2025
Redazion
Li dai Colonos a Vilecjaze di Listize. In conclusion de rassegne Avostanis Il mont des associazions, de culture, dal spetacul, dal sport furlan si strenç intor dal gjornâl CHE DAL 1946 AL È LA VÔS DI UN FRIÛL CHE NO SI RINT. A son stâts cun nô: Tullio Avoledo, Andrea Del Favero, I “Bardi” di […] lei di plui +
Gnovis / A Dael la presentazion dal libri “Fûc su Gurize”
Redazion
Si è tignude a Dael, ai 4 di Setembar, la ultime presentazion dal libri “Fûc su Gurize”. Inte spaziis de Cjasa dal Muini, a an presentâtn: Ferruccio Tassin autôr, Andrea Valcic President Clape Patrie dal Friûl e Diego Navarria, colaboradôr de “La Patrie dal Friûl”. lei di plui +
Cungjò / Nus à lassâts Zorç Jus, un grant patriote furlan
Redazion
Chel di Zorç al è un non che in tancj no lu cognossin, parcé che al à simpri lavorât cidin a lis fondis de nestre Identitât, cuntune vision che e je ancjemó proietade al futûr. “Il gno desideri al è che dutis lis cuatri comunitâts furlanis, che a son il vêr nucli dal Friûl, a […] lei di plui +