Sfuei Mensîl Furlan Indipendent
Archivi de Patrie

SPECIÂL – Un tris dut di ort

............

ZEUT DI FRICO CUN PIRUÇS, SCUETE DI CJAVRE, COCULIS E LIDRIC DI TREVÎS
Ingredients (par 6 personis)
500 gr. di Montâs gratât
300 gr. di Lidric di Trevîs
200 gr. di Scuete di cjavre
2 piruçs
Sâl
Pevar
Vueli di ulive
Preparazion
Preparâ cualchi sfuee di frico, doprant une fersorie ben cjalde dulà che si fâs colâ a ploie e in maniere uniforme un vêl di formadi gratât. • Fâ disfâ e fâ indorâ par ben des dôs bandis, zirant il frico cuntune spatule. • Cuant che il frico al è cuet, voltâlu suntune cjicare par che al cjapi la forme di un zeut; lassâ disfredâ di maniere che il frico si indurissi. • Jemplâ i zeuts otignûts cuntune creme fate messedant la scuete di cjavre, i piruçs gratâts e lis coculis masanadis, comedant ae fin di sâl e di pevar. • Cuvierzi cheste creme cun lidric di Trevîs cjalt, saltât in padiele dome cun vueli di ulive, sâl e pevar.  • Decorâ cuntune cocule e puartâ in taule.
RISOT CU LA VERZE MANTECÂT CU LA BIRE DI FORMENT
Ingredients (par 6 personis)
420 gr. di Rîs
1 Civole blancje taçade
1 Verze
1 butilie di mieç litri di bire di forment
Brût di verduris
Spongje
Sâl
Pevar
Vueli di ulîve
Ceve e Savors taçâts
Preparazion
Disfridi la civole intun pôc di vueli di ulive, zontâ il rîs e bagnâ cun 350 ml di bire. • Une volte svaporât l’alcul de bire, tacâ a cuei il rîs bagnantlu cul brût. • A metât cuete, zontâ la verze taiade a strissulis e saltade in padiele cun vueli di ulive, sâl e pevar. • Finî di cuei il rîs cul brût; une volte cuet, distudâ il fûc e mantecâ cun spongje e cu la bire che e reste; comedâ cun sâl e pevar, meti tal plat decorant cun savôrs e ceve taçâts fins. • Servî ben cjalt.
BLECS CUI ARTICJOCS
Ingredients (par 6 personis)
600 gr. di Blecs
10 Articjocs
2 grignei di Ai
Brût vegjetâl
300 ml di sbrume
1 tace di vin blanc
Sâl
Pevar
Formadi pegorin
Mente e Savôrs taçâts
Preparazion
Netâ i articjocs des fueis plui duris e de barbe, taiâ i cûrs a tocuts e fâ disfridi tal vueli di ulive insieme cul ai, bagnâ cul vin blanc sec e fâ svaporâ. • Zontâ i savôrs e la mente taçâts fins, salâ, pevarâ, e cuei bagnant cul brût. • Cuant che i articjocs a son cuets, zontâ la sbrume; sbati la messedance cuntun fruladôr fin che e ven une salse penze e sbrumose. • Cun chest tocj, cuinçâ i blecs fats cuei prime in aghe salade. • Servî la paste ben cjalde cun parsore formadi pegorin, mente e savôrs taçâts e un zîr di vueli di ulive a crût.
Gabriele Pressacco

L’EDITORIÂL / Jù lis mans dal Tiliment

Walter Tomada
Traviersis, cassis di espansion, puints e viadots autostradâi, potenziament dal idroeletric: al mancje dome di metisi a sgjavâ cu lis trivelis par cirî gas o petroli! Ma parcè il Tiliment, che tancj studiôs a stimin jessi l’ultin flum salvadi de Europe, isal sot di dutis chestis menacis, invezit di jessi tutelât e protet cemût che […] lei di plui +

(L)Int Autonomiste / Cui aial pôre de “Cuistion furlane”?

Dree Valcic
✽✽ No ven plui nomenade, sparide dai radars dal dibatiment politic e culturâl. Di “Cuistion furlane” no si ’nt fevele plui. Di cent agns incà e esist chê meridionâl, cjare a Gramsci, e su chê miârs e miârs di students a àn fat tesis di lauree, a son stadis fatis ancjetantis cunvignis, ogjet di ogni […] lei di plui +

L’EDITORIÂL / La “bufule meloniane” e la autonomie inte glacere

Walter Tomada
“Si sin indurmidîts furlans, si sin sveâts melonians”: cun chestis peraulis un cjâr amì al à strent intun sproc sintetic il sens des elezions politichis che pardut a àn viodût a vinci fûr par fûr ancje chenti Fratelli d’Italia, il partît di Giorgia Meloni. Di storic i ai rispuindût che 100 agns fa une dì […] lei di plui +

La anteprime / Cors di furlan par gjornaliscj: consegnâts i atestâts

Redazion
Ai 27 di Setembar, te sede di Udin de Regjon Autonome Friûl-Vignesie Julie, a son stâts consegnâts i atestâts ai vincj gjornaliscj che a àn partecipât al prin cors di lenghe furlane inmaneât de ARLeF – Agjenzie Regjonâl pe Lenghe Furlane e dal Ordin regjonâl dai gjornaliscj. La consegne dal document ai professioniscj de comunicazion […] lei di plui +