Sfuei Mensîl Furlan Indipendent
Archivi de Patrie

SPECIÂL – Musis di… Facebook

............

Pietro Beinat al è furlan, di Manzan, ma al lavore a Milan, tal cjamp dal marketing. Stant fûr di cjase, al sint une vore la nostalgje pe sô tiere. E si sa, cuant che alc nus mancje, si inventisi di dut par visâsal. Lui al à fondât un grup su Facebook: «Chei che cjacarin dome par furlan ancje su feisbuc!!».
Nicola Guaran al studie inzegnerie a Triest, al à 22 agns, al è di Codroip. Cuant che, sgarfant su Fb, al à let di un grup che si clame «Il triestino è una lingua…il friulano un difetto di pronuncia» al à incrosât i voi. Ce robe? No i à pensât tant parsore è al è deventât il fondatôr dal grup «Il friulano è una lingua…il triestino un difetto di pronuncia». Al à metut a puest lis robis, insome.
Federico Pellizzari, invezit, al è un che i plâs ridi. Secont lui «J’ul bighe, no cjavei!». Ae nestre domande di tradusi il significât dal so grup, lui a là dit cussì: «Serve manico e non capelli, ma non prendetemi per un maniaco». Di fat, par fâus capî la sô specificazion, o vin di zontâ che al à fondât ancje il grup I vedrans, chel dal Agâr, chel dal Ramandul e chel che si intitule «Al bon imprest al sta sot di une buine lobie».
Ancje David De Colle al è un simpatic. Lui al zire la Italie par lavôr e al è restât impressionât di une robe in particolâr, lant ator par chês altris regjons: «Il bevi alc in compagnie al fâs part dal jessi furlans. Ma – al à contât – o soi restat mâl cuant che cualchidun si è ufindût parcè che jo o ai dit ‘no, lasse: o pai jo il zîr’». Cemût si fasial a cjalâ mâl un che ti ufrìs un tai? E alore, «Mior la a cjase a gjat che lasasi come cjans».
UNÎTS PAR AMÔR_Tantis storiis, tancj grups. Ducj unîts dal amôr pal Friûl, pe tiere e pe lenghe. Zovins, di 20-30 agns, che a sintin la dibisugne di stâ insieme, ancje dome virtualmentri, par une cause comune. E di discuti, cualchi volte su cuestions che a rivuardin la marilenghe e la sô tutele, cualchi volte dome par ridi o par cjoli vie cualchidun. E la int e rispuint ben aes iniziativis. Baste contâ il numar dai iscrits a chescj grups, che a cressin di dì in dì: plui di 6.400
a «Il friulano è una lingua…il triestino un difetto di pronuncia», 1.252 a «Mior la a cjase a gjiat che lasasi come cjans», 1.500 a «J’ùl bighe, no cjavei», plui di 4.700 a «Sosten la lenghe furlane», 4.300 a «Facebook translated in Friulian language».
Di segnalâ dal sigûr ancje l’ultin che o vin nomenât. Fondât di Andrea Brumat, 34 agns di Sant Vît, al à une cause specifiche. Al domande a ducj i amîs di sotscrivi un topic par convinci i programadôrs di Fb a tradusi il program par furlan. «O aprofiti par dî a ducj i furlaniscj di aderî a cheste cause – al à rimarcât Andrea – . Al è facil, a àn dome di copiâ il topic che jo o ripuarti sul grup e mandâ une e-mail ai programadôrs».
Ancje Michele Calligaris (che nus à domandât di dî che lui al è un «Guardianut», il sorenon di famee, par no confondilu cui tancj omonims di Romans dal Lusinç) al fâs lis robis par ben. Cul so «Sosten la lenghe furlane!» si è fat cognossi ancje in Spagne e in France. «O ai scrit a personis e grups catalans, bascs e bretons – al à contât – par fâur cognossi la nestre minorance. Lôr mi àn cjapât in simpatie e cumò o ai tancj iscrits ancje di fûr de Italie».
E no podevin dismenteâsi dai cjargnei! «Non semplici friulani, veri e propri carnici» al puarte la firme di Max Cacitti. 600 iscrits, tancj doc. Max nus à contât che al inizi al controlave ducj i iscrits par viodi se a jerin vêrs cjargnei: «Il gno al jere un grup privât – al à dit – dome che o ai tacât a vê richiestis di int di fûr, ma cu la Cjargne tal cûr…e no ai plui podût dî di no a nissun». Al à fondât il grup par fâ viodi che la sô int i ten al puest dulà che e je nassude e al è stuf di sintî a dî che i montanârs a son coiars e ruspiôs. «O sin personis veris e o savìn divertîsi cul pôc che la tiere, ca sù, nus ufrìs».
Valentina Pagani
_________________________________
La classifiche dai plui seguîts
GRUPS
1) Il friulano è una lingua… il triestino un difetto di pronuncia
6.341 iscrits
2) Sei Friulano se…
5.218 iscrits
3) SIAMO FRIULANI
2.268 iscrits
4) I FURLANS DI FACEBOOK
1.979 iscrits
5) J’ ùl bighe, no cjavei!
1.335 iscrits
6) Mior la a cjase a giat che lasasi cume cjans! 1.252 iscrits
7) Educhiamo i triestini all’uso del friulano… 1.111 iscrits
8) Friuli Facebook Network (elenc dai grups furlan su FB) 995 iscrits
9) Chei che cjacarin dome par furlan ancje su feisbuc!!
690 iscrits
10) Tutti quelli che dicono FRIULI con l’accento sulla U e non sulla I
677 iscrits
11) NON SEMPLICI FRIULANI, VERI E PURI CARNICI!!! 582 iscrits
12) Jo o feveli Furlan! 537 iscrits
13) FRIULI-Orgoglio friulano
519 iscrits
14) Friulano a Milano 381 iscrits
15) Dizionario carnico-inglese
367 iscrits

CAUSIS
1) Sosten la Lenghe Furlane! – Support Friulian Language!
4,657 membris
2) FaceBook Translated in Friulian (Furlan) Language
4,287 membris
3) La Patrie dal Friûl 599 membris
FAN CLUB
1) FRICO 12.790 fan
2) «Bon dai mandi» (i fans de tipiche frase furlane) 1.768 fan
3) Carnicats (il grup musicâl rap cjargnel) 870 fan
4) Toni Merlot 828 fan
5) Dario Zampa 706 fan
6) Pengio (il sît dai «furlanisims» par talian) 260 fan
(V. p.)

Gnovis / “Feminis furlanis fuartis” di Erika Adami a vicino/lontano e al Salon internazionâl dal libri di Turin

Redazion
La Patrie dal Friûl e segnale doi apontaments che le viodin protagoniste cul libri “Feminis furlanis fuartis” di Erika Adami, che e fâs part de golaine “La machine dal timp”. Te suaze dal festival vicino/lontano, rivât ae vincjesime edizion, Erika Adami e moderarà l’incuintri “Feminis. Talents di no strassâ” che al nas des esperiencis contadis […] lei di plui +

Comunicât / Cungjò, Aureli. Nus lasse un grant omp, Aureli Argemì, che si è batût pai dirits dal popul catalan e par chei di ducj i popui minorizâts. Il comunicât in lenghe catalane e furlane.

Dree Venier
BARCELONA Aureli Argemí, fundador i president emèrit del Centre Internacional Escarré per a les Minories Ètniques i les Nacions (CIEMEN), ha mort aquest dilluns als 88 anys, segons ha informat l’entitat en un comunicat. Nascut a Sabadell el 1936 i llicenciat en teologia a Roma i París, va ser monjo de Montserrat, va formar part […] lei di plui +

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +