Il plui fuart campion furlan di corsis categorie «Gran turismo» si clame Luca Cappellari. Classe 1963, al à un palmares disconfinât dal 1990 a vuê, tra campionâts mondiâi, europeans e talians. E di velocitât. Prime, dal 1977, si dedicà al motocross. Il titul plui impuartant di chest campion al è il Campionât mondiâl Fia, Gran Turismo tal 2004, vuidant une Ferrari 550 Maranello. Tal 2008, invezit, al è stât campion talian «Turismo endurance» e vincidôr de «European touring cars series».
Te storie dai motôrs no si pues lassâ fûr Domenico Romanello, di Udin: prin furlan a vinci un campionât talian di velocitât tai agns Sessante, e a vuidâ in competizions europeanis, tal 1963, une Fiat-Abarth 1000 te «Coppa della Consuma» e te «500 km Nürburgring».
TAI RALLY_ Campion di Rally pluri medaiât al è Claudio De Cecco, 46 agns di Manzan. Al à vinçût sîs «Coppa Italia» (1993, 1994, 1995 in cuarte e cuinte zone, 1996, 1997) e trê «Mitropa Rally Cup» (1996, 2004, 2005). Il so curriculum sportîf al scomence a metât dai agns Otante e al cjape dentri ancje altris vitoriis a rally regjonâi e partecipazions, cun bon colocament in classifiche, in competizions todescjis e austriachis.
IL POLIEDRIC MARCHIOL_ Te storie a jentrin ancje Gianni Marchiol e il so fedêl navigadôr Giovanni Battista Campeis. Marchiol al à corût e vint un pôc di dut: rally, salidis e circuits. E al à vuidât di dut: di Porsche a Honda, passant pe Clio. Al à començât tal 1966 e al è ancjemò in ativitât li de scudarie Friûl, ancje se al à plui di 70 agns. Campeis al è stât campion talian di Rally cun Porsche.
IL PRIN IN PORSCHE_ Ancje Paolo Pasutti al à vinçût titui talians, corint cuntune 1900 Porsche Carrera. Anzit, al è jentrât te storie dal automobilisim par jessi stât a nivel nazionâl il miôr pilote propit di chê stesse cjase di produzion di machinis. Cumò si sta dedicant aes «machinis storichis». Propit la stesse dissipline dulà che a àn vinçût titui europeans Luigi Tosolini (categorie velocitât), Rino Muradore e, plui di resint, Guido Belli.
Oscar Puntel
Stin dongje ae Patrie / La storiche riviste furlane e fâs fieste par i siei otante agns
Redazion
Pe rassegne Avostanis, Domenie ai 4 di Otubar aes 3 dopomisdì li dai Colonos a Vilecjaze di Listize tierce edizion di Stin dongje ae Patrie. La storiche riviste furlane e fâs fieste par i siei otante agns e e cjale al avignî adun cul mont de culture, de musiche, dal associazionisim, dal sport tal ricuart […] lei di plui +
La piçade / Salts, lavoradôrs e… laris. Almancul i laris a fevelin par furlan
Mastiefumate
Che il rapuart tra il Messaggero Veneto e la lenghe furlane nol fos dai miôr, si saveve. Par esempli su la partide dal secul tra la nazionâl furlane e chê groenlandese, nancje une rie par furlan. Si spietavin che al vignìs ripuartât a caratars cubitâi il sproc tal strisson puartât in cjamp dai zuiadôrs intant […] lei di plui +
Gnovis pai fruts / I Gnognosaurs a imparin a svolâ: al rive in edicule «Tal blu piturât di blu», il gnûf album di colorâ
Redazion
Daspò dal sucès dal prin album vignût fûr a Nadâl, i simpatics dinosauruts che a fevelin par furlan a proponin pal Istât une gnove aventure: il professôr Einsaur e il so fedêl assistent Blik a provin di svolâ, ispirâts dai pterodatils. Rivarano? ◆ A partî de fin di Jugn al è rivât tes ediculis dal […] lei di plui +
Gnovis / LA PATRIE DAL FRIÛL AL SALON DAL LIBRI DI TURIN 2026
Redazion
Dai 14 ai 18 di Mai no steit a cirînus, noaltris de “Patrie”: no sarin in Friûl, ma inaltrò.◆ No, no lìn in esili. Pal moment, jessi “furlans che no si rindin” nol è ancjemò une colpe. Salacor lu deventarà, ma pal moment o podin jessi “libars di sielzi” di lâ in “mission”. Une mission […] lei di plui +
Gnovis / Par che il popul furlan al salti fûr dal taramot cul cjâf e vîf
Redazion
Lunis ai 11 di Mai te Glesie di Sante Marie sul Cjiscjel di Udin, si è tignude la messe par ricuardâ i 50 agns dal document “Ai furlans che a crodin” cu la partecipazion dal nestri vescul bons. Riccardo Lamba che al à presiedude la celebrazion. Un grazie a lui, a bons. Luciano Nobile che […] lei di plui +
Gnovis / Par che il popul furlan al salti fûr dal taramot cul cjâf e vîf
Redazion
Lunis ai 11 di Mai a lis 18,30 te Glesie di Sante Marie sul Cjiscjel di Udin. Glesie Furlane, cun la Arcidiocesi di Udine e Clape di Culture Patrie dal Friûl a 50 agns dal taramot o volìn ricuardâ ducj i muarts e dutis chês personis che tai agns si son dadis da fâ par […] lei di plui +