ZORNADE_Vincj agns indaûr, tal Otubar dal 1992, lis Nazions Unidis a deciderin che il 3 di Dicembar di ogni an al fos ricognossût in ducj i paîs tant che la Zornade Internazionâl des personis cun disabilitâts. Secont lis statistichis plui resintis, passe un miliart di lôr, vâl a dî po sù po jù il 15 par cent de popolazion mondiâl, al à a ce fâ cuntune o cun plui problematichis fisichis o psico-cognitivis. Dut câs, il vêr probleme, cemût che e ricuarde la Convenzion des Nazions Unidis sui Dirits des personis cun disabilitâts, e je la esistence des barieris che no permetin a cheste int di vivi te maniere miôr pussibile: di fat, a son lis barieris di ogni sorte a marcâ lis diviersitâts di cui che al scuen fâ front ogni dì a une mancjance plui o mancul impuartante. Il numar dai invalits a nivel mondiâl al cres an par an: dome te Union europeane si stime che i disabii a sedin plui o mancul 80 milions.
170 MIL_ In Slovenie i invalits ricognossûts a son 170 mil, il 8 par cent de popolazion. Si trate di disabii nassûts cun problematichis fisichis o psichichis plui o mancul seriis, di int che e à svilupât malatiis di une cierte gravitât dilunc la sô vite, di invalits di vuere, di tibiâts par vie di incidents sul puest di vore. Fevelant di lavôr, jenfri lis tantis normis che la legjislazion slovene e à a pro di cui che al ven declarât invalit, al esist ancje il progjet di judâ a fâ nassi impresis di disabii pai disabii. Par cont de istruzion, fra chei che a lavorin dome un disabil su dîs al à un titul universitari, un su doi al à finît lis scuelis superiôrs, un su trê si è fermât aes elementârs.
LONDRE_ Un dai setôrs li che i disabii a podin cjapâsi lis lôr sodisfazions sintintsi parificâts ai “normâi” (definizion cheste une vore relative, che e dîs dut e nuie) al è il sport. Te 14te edizion des Paraolimpiadis, i Zûcs olimpics estîfs di pueste pai disabii, inmaneade a Londre dai 29 di Avost ai 9 di Setembar stâts, a àn cjapât part 4 mil 200 atletis di 164 paîs, jenfri chescj a jerin ancje 22 slovens. In ultin e je rivade une medaie, l’arint vinçût di Franček Gorazd Tiršek tal tîr cu la carabine a aiar comprès a 10 metris. Franček, 37 agns, al à une tetraparesi, vâl a dî une paralisi no complete di braçs e gjambis, che però i permet distès di trai. Tai ultins doi agns al à otignût risultâts une vore bogns te Cope dal Mont te sô dissipline; in graciis de sô medaie, al à vût l’onôr di puartâ la bandiere de Slovenie in ocasion de cerimonie che e à sierât i Zûcs.
BASKET_ Un grant sucès al jere intant rivât dai Campionâts europeans di basket par sorts, che si è tignût tal mês di Lui stât in Turchie. La nazionâl slovene e à vinçût l’aur, batint in finâl la Lituanie 71-66; za tal 2004, cu la rassegne zuiade in cjase, la Slovenie e jere rivade al prin puest, si jere classificade tierce invezit ai Campionâts dal mont dal 2002.
ZŠIS-POK_ Chê dai atletis slovens cun disabilitâts e je une storie lungje, che e tache dopo la Seconde vuere mondiâl cu la Zveza vojaških vojnih invalidov (Zvvi, Associazion dai militârs invalits di vuere), che za tal 1952 e à inmaneât il prin campionât nazionâl di schi e po tal ’54 altris garis di tîr cu la pistole, ping pong, bowling, scacs. Ai 21 di Otubar dal 1962 si decidè di fâ nassi la Zveza za šport in rekreacijo invalidov (Associazion pal sport e pal ricrei dai invalits); di cheste, e ven fûr te Slovenie indipendente la Zveza za šport invalidov Slovenije-Paraolimpijski Komite (ZŠIS-POK, Associazion pal sport dai invalits de Slovenie-Comitât Paraolimpic), nassude pe volontât di dîs associazions di metisi adun cul fin di svicinâ i disabii al sport e stâur dongje fintremai te preparazion di apontaments come campionâts slovens, europeans, salacor ancje lis Paraolimpiadis. Il ZŠIS-POK (sît internet par sloven e par inglês, www.zsis.si) al fâs part dal Comitât olimpic sloven e al rapresente ducj i invalits che a fasin sport. ■
ALESSIO POTOCCO
Gnovis / Presentazion dal libri di Erika Adami “Feminis furlanis fuartis”
Redazion
La Patrie dal Friûl e presente il libri “Feminis furlanis fuartis”. Storiis di feminis furlanis dal dì di vuê, pôc o par nuie cognossudis, diferentis par etât, divignince, esperiencis formativis e professionâls. Lis lee la fuarce che a esprimin tal cirî di realizâsi cun tignince, tai cjamps plui svariâts. Cun braùre pes lidrîs e tal […] lei di plui +
Event / Stin dongje ae Patrie – fotos de serade
Redazion
Joibe ai 30 di Novembar al Teatro San Giorgio – Udin (Borc di Graçan) si è tignude la seconde edizion de manifestazion “Stin dongje ae Patrie” che e rapresente un moment di incuintri e di solidarietât cul mensîl “La Patrie dal Friûl”, gjornâl scrit fûr par fûr in lenghe furlane fintremai dal lontan 1946. Inte […] lei di plui +
Pirulis di musiche e di storie / Un pitôr musicâl di San Denêl tal inovâl de sô muart: Giulio Urbanis (1540 – 1613)
Alessio Screm
Stant che tal articul chi sore o ai scrit di iconografie musicâl, la pirule di storie e di musiche di chest mês si intive a celebrâ un pitôr furlan che al à dât cetant in fat musiche piturade, e di lui si celebrin chest an i cuatricent e dîs agns de sô nassite. Lui al […] lei di plui +
Il cjastelîr plui grant di simpri / Sot des pleis de tiere: ae scuvierte de origjin dal çuc di Udin
Serena Fogolini
Daûr di une liende, di un proverbi o di une conte popolâr si plate simpri une fonde di veretât Al sarà forsit par cheste reson che cualchi mês indaûr, jessude la gnove di studis sientifics che a dimostravin la artificialitât dal çuc di Udin, nissun di noaltris si è maraveât plui di tant. Dal rest, […] lei di plui +
Lenghe / A Cormons si fevele dal furlan te informazion
Dree Valcic
L’impuartance dai mieç di comunicazion par la difusion de lenghis minoritariis. Cun Emanuele Galloni, Guido Germano Pettarin, Andrea Valcic. Al à moderat Wiliam Cisilino. lei di plui +
Musiche / Carniarmonie: trentedôs stagjons di armoniis te mont furlane
Alessio Screm
Il festival che al met in rêt midiant de musiche Cjargne, Valcjanâl e Cjanâl dal Fier A son trentedoi agns che la Cjargne e je protagoniste di armoniis musicâls estivis, graciis al festival de mont Carniarmonie, la prime vere rassegne musicâl che e à pandût une maniere di fâ culture che cumò e je cetant […] lei di plui +