Sfuei Mensîl Furlan Indipendent
Archivi de Patrie

SLOVENIE. Adria Airways, e falìs la compagnie aerie slovene

............

Il prin ministri Marjan Šarec e il ministri des financis Andrej Bertoncelj a àn presentât in Parlament ai 7 di Otubar il dissen di leç di belanç pal 2020 e pal 2021. Aben che al sedi previodût un ralentament de cressite economiche (il Pil al è cressût dal 4,1% intal 2018, intant che chest an l’aument al varès di jessi dal 2,8%, intal 2020 dal 3% e intal 2021 dal 2,7%) pai prossims doi agns il guvier sloven al à previodût une spese a nivei record: 10,35 miliarts di euros intal 2020 e 10,45 miliarts intal 2021. Si pontarà a otignî un surplus dal 1% dal Pil e a lâ indevant sul troi de riduzion dal debit public e viers la stabilitât e sostignibilitât de finance publiche a tiermin lunc, ancje cun intervents e riformis struturâls. Il ministri des financis al à sotlineât che lis dôs finanziariis a son stadis preparadis cuntune voglade al avignî, al benstâ e ae stabilitât, intant che il prin ministri al à evidenziât cemût che si sedi rivâts a un just ecuilibri jenfri disvilup e spese sociâl.

Jenfri i setôrs prioritaris a jentrin la sanitât, la ricercje sientifiche, la economie e il sisteme di difese e di sigurece, intant che lis risorsis plui grandis a saran destinadis ae istruzion e al sport, ae previdence sociâl e aes pensions. L’aument plui impuartant di spese al è invezit previodût pe ricercje sientifiche e pe societât de informazion. Dut chest par contribuî a miorâ la competitivitât e il valôr zontât de economie slovene.

Par chel che al inten i contribûts ai slovens di là dal confin e ator pal mont e la lôr ativitât, la propueste de manovre finanziarie e assegne al Ufici governatîf pertinent 9,5 milions di euros sedi pal 2020 sedi pal 2021 (a pet dai 8,63 di chest an).

Cumò la manovre e vignarà discutude intes comissions singulis e il guvier al varà timp fin ai 6 di Novembar par modificazions dal câs al test. Dopo un altri esam de bande de comission financis, i tescj finâi a varessin di vignî votâts in aule ae fin di Novembar. Nol varès di jessi nissun risi pe aprovazion, no cate lis tensions in cressite jenfri la maiorance e la Çampe (Levica) che fin cumò e à garantide la poie esterne al guvier Šarec. Ancje intal câs che la Çampe e decidedi di votâ cuintri de leç di belanç, la poie necessarie e varès di rivâ dal partît di diestre SNS (Partît nazionâl sloven) che al à za declarât di volê evitâ a ducj i coscj la pussibilitât che il belanç al vignedi infossât e che al coventedi par fuarce l’esercizi provisori che al taiarès i tancj invistiments necessaris. ❚

Tjaša Gruden

A torzeon pal Friûl / “Der Voschank”, il spetacul des mascaris sauranis

Sara Traunero
La tradizion dal “Kheirar” e dal “Rölar” e cjape dentri dut il paîs Mascaris bielis e mascaris brutis, cun musis intaiadis intal len e cu lis liniis plui diferentis, a son lis protagonistis assoludis di une ricorence tant curiose che antighe: al è il Carnevâl di Sauris, intal dialet sauran locâl cognossût ancje tant che “Der Voschank”.L’aspiet […] lei di plui +

A torzeon pal Friûl / La maravee di scuvierzi il Carnevâl rosean

Diego Navarria
Cuatri amîs inmagâts de origjinalitât di lenghe, musiche e bai dal Cjanâl incjantonât jenfri lis Musis e la mont Cjanine In ce aventure che mi soi butât! Dut par lâ daûr di mê madone! Cumò, aes trê dopomisdì, achì in machine o sin in cuatri: jo, Mario Dean, 46 agns, professôr di talian tal Marinelli, […] lei di plui +

Libris simpri bogns / Emilio Nardini, “Par vivi”, Udin, 1921

Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +

Interviste / Numb il cjan scjaladôr (e il so paron Thomas)

Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +