A son undis agns che Silvia Di Piazza e à viert a Comelians un laboratori artesanâl di tapêts: un salon grant e biel, furnît cun vecjos mobii cjargnei indulà che a son metûts in mostre i lavôrs che Silvia e prodûs, e i grancj telârs verticâi indulà che e cree i siei prodots.
◆ La idee di vierzi chest laboratori e nas di une oportunitât: “O vevi une negozi di rosis a Davâr – e conte – ma lu ai sierât parcè che no rivavi a lâ indevant. O ai vude la ocasion di vierzi cheste ativitât e cussì o ai tacât cheste aventure. O soi simpri stade puartade pal lavôr manuâl.”
◆ Silvia Di Piazza e je la uniche in Italie che e fâs chest gjenar di tapêts.
◆ Ma cemût nassial un tapêt? “O met une tele di poliestere su chescj telârs verticâi (o ‘nd ai 3 di diviersis misuris), dopo o ripuarti il dissen che mi dan o che il client al à sielzût, o pûr lu fâs jo diretementri cuant che o lavori. Cuntun trapin (che al è tant che une machine di cusî) che al funzione a arie compresse, o scomenci a dâi vite al tapêt doprant i filâts di lane di ogni colôr (la tecniche si clame Hand Tufting). I tapêts a vegnin fats su misure daûr de ordenazion, e personalizâts. Duncje, achì un al pues pardabon fâ ce che al vûl, des formis, ai colôrs, ai spessôrs. Par fâ un tapêt, o pues stâ doi dîs come pûr ancje mês: al dipent dal dissen e de lavorazion che al à (mi vûl plui timp cuant che a son tantis sfumaduris di colôr).”
◆ L’an passât, un tapêt di Silvia al è lât intai Stâts Unîts, e dute sodisfate e dîs: “Lu ai fat e lu ai spedît a Beverly Hills. Il dissen lu veve fat mê gnece di 5 agns, e midiant di internet lu ai vendût in Americhe. O ai un sît indulà che si pues cjatâ un catalic dai prodots che o fâs (http://www.silviadipiazza.com). Nissun tapêt al è compagn di chel altri: a son ducj tocs unics. O ai ancje tacât a fâ cualchi cussin e cualchi puf. O varès podût lavorâ cun ditis che mi varessin fat fâ tapêts in serie, ma no varès vude trope sodisfazion. E o stoi tignint dûr su pe strade dal fâ tocs unics, strade plui dure, ma che o speri che mi permeti timp o tart di vivi dome cun chest e di rivâ une dì a podê scrivi “made in Cjargne”. Jo, in ogni mût, lu fâs ancje cumò e in ogni lavôr o zonti un bilietut metint in lûs che al è fat achì.”
◆ Ciert al è che nol è facil vê une ativitât in mont, e Silvia e pense che “dal sigûr vê un laboratori in citât al varès une altre visibilitât, ma o rivìn a fâ istès ancje se o sin ca sù, parcè che cumò o vin la tecnologjie, internet e un laboratori tant biel in citât no lu varès. Fâ un tapêt par me al è un insiemi di emozions, un grum di robis… Mi esprim cuant che o fâs un tapêt, ancje se mi ven dât un dissen za fat, parcè che in ogni câs o met simpri dal gno. Mi plasarès lâ indenant e cressi cun cheste ativitât, fâ cognossi la Cjargne cui miei tapêts e puartâ plui int pussibil achì in chest laboratori par fâi cognossi il nestri teritori, la nestre int e ce che o fasìn. Cuant che o ai di fâ tapêts cence comission e duncje ju realizi jo, la ispirazion mi ven di dut ce che al è achì, ator ator di me, de nature e dal paisaç: par chest, par me la Cjargne e à un grum di valôr! Achì o soi nassude e cressude, achì o ai viert lis mês ativitâts. E je la mê vite, e no mi viodarès lontan di chi, ancje se cumò o stoi in Furlanie: ogni dì o jevi a buinore e ven sù in Cjargne, e po dopo o torni a cjase la sere tart dome par durmî. Duncje, al è propit un leam impuartant. O ten ae mê tiere. Vignît a cjatâmi: us spieti ducj!”. ❚
Musiche / Carniarmonie: trentedôs stagjons di armoniis te mont furlane
Alessio Screm
Il festival che al met in rêt midiant de musiche Cjargne, Valcjanâl e Cjanâl dal Fier A son trentedoi agns che la Cjargne e je protagoniste di armoniis musicâls estivis, graciis al festival de mont Carniarmonie, la prime vere rassegne musicâl che e à pandût une maniere di fâ culture che cumò e je cetant […] lei di plui +
La tiere e la grepie / Lis âfs (ancje chês cjargnelis) a svolin ancjemò sui cjamps dal Friûl
Adriano Del Fabro
Al cres il numar dai apicultôrs e dai bôçs, cundut des tantis dificoltâts che il setôr al à vût, che al à e che al è daûr a frontâ A son stâts agns dificii, tal passât, pes âfs (Apis mellifera) e pai apicultôrs. Prime preocupâts e in difese pai atacs dal acar Varroa; dopo i […] lei di plui +
La rassegne / Avostanis 2023, un viaç a scuvierzi ce che al reste de sacralitât
A son 32 agns che i Colonos a rindin l’Istât furlan un laboratori di sperimentazion creative e di riflession cence confins. Intal curtîl dal vecjo complès colonic di Vilecjaze, “Avostanis” e je deventade une rassegne che no si pues mancjâ par capî ce che si messede inte culture contemporanie no dome di chenti: culì a […] lei di plui +
Int di Cjargne / Magjie a Cjarsovalas
Marta Vezzi
Un dai lûcs dai Pagans in Cjargne Cjarsovalas, il paisut dai Pagans, al è sore Val e Rualp, frazions dal Comun di Darte, a 1.350 metris sul nivel dal mâr. “Al è un dai lûcs indulà che o puarti di plui la int – e conte Fides Banelli, mestre in pension che a fâs ancje […] lei di plui +
L’Editoriâl / Cuant vignaraie la “adunade” dai furlans?
Walter Tomada
Tropis vitis aial il Friûl? Al sarès biel se a’ndi ves siet, come i gjats: o cetantis di plui, come i protagoniscj di tancj videozûcs che ur plasin ai nestris fantats. Magari cussì no, dut câs, un popul nol è mai bon di vivi dôs voltis: se i tocje disparî, al sarà par simpri. Se […] lei di plui +
Festival di Poesie Alpine / Autôrs di Ladinie, Grisons e Friûl a confront
Gabriele Zanello
Tal incuintri di Bressanon ancje lis vôs di Gigi Maieron, Nelvia Di Monte, Gianluca Franco, Francesco Indrigo, Luigina Lorenzini e Antonella Sbuelz Tra lis comunitâts furlane, ladine e rumance a esistin relazions identitariis e culturâls une vore antighis, che massime tai agns Setante e Otante a àn vût un moment di gnove sfloridure ancje sul […] lei di plui +