RICETE. Tutres

Lis tutres a son grancj discs di paste di siale, farsîts e frits, tipics de cusine ladine.
Ingredients pe paste:
250 grams di farine 00
250 grams di farine di siale
2 ûfs
25 grams di spongje (tenare)
sâl
………..
Lavorâ insiemi i ingredients de paste fin che e ven slisse.
Lassâ polsâ cuvierte di pelicule par une ore.
Tirâ la paste fine plui o mancul come chê dai crostui e taiâ discs
di un 15 cm.
Meti tal centri di un disc la farsidure, taponâ cuntun altri disc
e sierâ ben i ôrs.
Fridi tal vueli a 170°C.
Servî e mangjâ daurman!
Pe farsidure a son plui pussibilitâts, chês plui tipichis a son:
– Spinaze e scuete: cuei la spinaze, salâle e impeverâle e messedâ
cul stes pês di scuete.
– Patatis: gratâ patatis bulidis, messedâlis cun cevole taçade e dislite,
sutive, sâl.
– Craut.
✒ Sandri Carrozzo