Ingredients:
Un folp conzelât
Sâl grues
Pevarele
Vueli extravergjin di ulive
Cjoli un folp conzelât e lassâlu disconzelâ tal frigorifar. Se o cjolês un folp fresc, netaitlu de robe di dentri e conzelaitlu: in cheste maniere la cjar e sarà plui tenare, cence vê di batilu, po dopo disconzelaitlu tal frigorifar. Curâ e lavâ il folp, se al covente. Cuntun pâr di fuarpiis di cusine taiâ la peleate che e je jenfri un tentacul e chel altri, ma no gjavâle. Meti a scjaldâ une cite cun tante aghe, no salade: cuant che e tache a boli cjapâ il folp pal cjâf e tocjâlu ta la aghe di bol, lassâlu dentri cualchi secont e tornâ a tirâlu sù. Si viodarà che in cheste maniere i tentacui si tirin. Tornâ a tocjâlu e a tirâlu sù par trê voltis e infin lassâlu jù e tignîlu a cuei: i volaran salacor jenfri 30 e 60 minûts, ma si à di viodi daûr di trop che al è grant. Cuant che al è cuet studâ il fûc e lassâ clipî il folp te sô aghe, po dopo scolâlu. Taiâ i tentacui dal folp a fetis gruessis un centimetri, e il cjâf a tocuts. Cuinçâlu cun sâl grues, vueli extravergjin di ulive, pevarele. Si pues ancje servîlu cuntun jet di patatis che si à spelât taiât a fetis e cuet te aghe vanzade dopo cuet il folp. ❚
✒ Sandri Carrozzo
Grant suces di “Stin dongje ae Patrie”, la tierce edizion de fieste dal nestri gjornâl
Redazion
Pe rassegne Avostanis, li dai Colonos a Vilecjaze di Listize, il mont des associazions, de culture, dal spetacul, dal sport si è strenzût intor dal gjornâl dut par furlan fondât tal 1946 A an partecipât: Glesie Furlane, i Bakan, Claudio Moretti – Elvio Scruzzi – Fabiano Fantini (Teatro Incerto), Serena Fogolini e Raffaele Serafini (Contecurte), […] lei di plui +
L’EDITORIÂL / Miôr furlans o citadins dal nuie?
Walter Tomada
I popui a àn une identitât ancje se no le vuelin. Tant che ogni om al nas e che al cres cuntun non, un cognon, un puest di divignince, e un document che lu comprove, cussì ancje i popui a vegnin di un timp lontan e di une tiere dongje, a clamin lis robis intune […] lei di plui +
Apontaments / Tarcint, Vinars 6 di Setembar aes 18, Presentazion dal libri “Feminis furlanis fuartis” di Erika Adami te terace de Biblioteche Comunâl
Redazion
L’apontament si tignarà doman, Vinars ai 8 di Mai, aes 18, te terace de Biblioteche Comunâl, vie Divisione Julia a Tarcint. La Aministrazion Comunâl di Tarcint cun la Comision de Pari Oportunitât nus invide ae presentazion dal libri di Erika Adami “Feminis furlanis fuartis” che viodarà la partecipazion di une protagoniste dal libri e de […] lei di plui +
L'EDITORIÂL / LETARE AL GNÛF VESCUL. LA LEZION DI AQUILEE NO VA DISMENTEADE
Walter Tomada
Preseât bonsignôr Riccardo Lamba, gnûf Arcivescul di Udin, “La Patrie dal Friûl” i da il benvignût e i fâs i auguris pe so gnove mission. La miôr robe che o podìn sperâ, par lui e par nô, e je che al rivi a colp a jentrâ in sintonie cu la storie di cheste tiere, che […] lei di plui +
L’EDITORIÂL / Letare al gnûf Vescul la lezion di Aquilee no va dismenteade
Walter Tomada
Preseât bonsignôr Riccardo Lamba, gnûf Arcivescul di Udin, “La Patrie dal Friûl” i da il benvignût e i fâs i auguris pe so gnove mission. La miôr robe che o podìn sperâ, par lui e par nô, e je che al rivi a colp a jentrâ in sintonie cu la storie di cheste tiere, che […] lei di plui +
Gnovis / “Feminis furlanis fuartis” di Erika Adami a vicino/lontano e al Salon internazionâl dal libri di Turin
Redazion
La Patrie dal Friûl e segnale doi apontaments che le viodin protagoniste cul libri “Feminis furlanis fuartis” di Erika Adami, che e fâs part de golaine “La machine dal timp”. Te suaze dal festival vicino/lontano, rivât ae vincjesime edizion, Erika Adami e moderarà l’incuintri “Feminis. Talents di no strassâ” che al nas des esperiencis contadis […] lei di plui +