Sfuei Mensîl Furlan Indipendent
Archivi de Patrie

Pal decim aniversari de muart di Pre Antoni Beline, 23 di Avrîl dal 2017

............


Par ricuardâ pre Toni, il program
Tal mês di Avrîl, il mês che pre Toni nus à lassâts 10 agns fa, si son davuelts za tancj events par ricuardâlu a Visepente, Basilian, Vençon, Treli, Rualp-Val e Vilevuarbe. Ma chescj moments a van indevant vie pal an. Dut al è stât coordenât dal Grop amîs di pre Toni.
Rualp-Val ai 13 di Mai
10.00-13.00 e 15.00-17.00 Plêf di S. Martin. Cunvigne: Lis peraulis di pre Toni. Par cure de Societât Filologjiche Furlane cu la colaborazion di: Comun di Darte, Parochie di Sant Martin, Comitât Frazionâl di Rualp-Val.
Codroip ai 13 di Jugn
20.30 Sale disore dal Ristorant Nuovo Doge di Passarian. Su lis olmis di pre Toni Beline – L’om, il predi, l’inteletuâl. Presentazion de opare leterarie di pre Antoni Beline par cure di Agnul Floramo e Caffè Letterario Codroipese.
Gjalarian ai 25 di Jugn
21.00 Cjase de int, Place S. Martin. Popul gno dulà vâstu? Recital cui scrits di pre Antoni, par cure di Viviana Mattiussi e Pro Loco di Gjalarian.
Rualp-Val ai 2 di Lui
11.00 Cime de Tersadie. Su la Tersadie cun pre Toni: S. Messe e instalazion di una lapide a ricuart, par cure dal Comitât Frazionâl di Rualp-Val.
Visepente dai 23 di Setembar ai 15 di Otubar
Aes 18.00 dai 23 di Setembar, ex Scuele Elementâr, Vie Duca d’Aosta; inaugurazion de mostre su pre Antoni par cure di Grop amîs di pre Toni, Comun di Basilian, Comitât Iniziativis Locâls di Visepente.
Vençon ai 24 di Setembar
16.00 Sale Patriarcje Bertrant, Via Glizoio di Mels, 12. Assemblee Straordenarie di Glesie Furlane, vierte a ducj, sul teme Tradusi cence tradî: su la oportunitât de traduzion des oparis di pre Antoni.
Udin ai 2 di Otubar
17.00 Palaç di Toppo Wassermann , Vie Glemone, 92. Cunvigne: La universalitât dal pinsîr di pre Antoni Beline par cure de Universitât dal Friûl, CIRF.
Çuian ai 27 di Otubar
20.30 Centro Balducci. Cunvigne Pre Antoni Beline, l’incuintri tra lis diversitâts par cure dal Centro Ernesto Balducci.
Codroip ai 28 di Otubar
20.30 Biblioteche Civiche Don Gilberto Pressacco Vie XXIX Ottobre, 3. Premi leterari in lenghe furlane San Simon: ricuart di pre Antoni Beline inte ocasion de cerimonie di consegne dal premi, par cure dal Comun di Codroip e de Biblioteche Civiche.
Visepente ai 4 di Novembar

16.00 Glesie Parochiâl. Presentazion de XI edizion dal Lunari di pre Toni. Par cure di Alida Pevere, Manuela Quaglia, Cristian Liberale.

Codroip ai 4 di Novembar
20.30 Oratori Parochiâl. Presentazion dal libri Storie Sacre e mostre dai cuadris doprâts par ilustrâ il volum, par cure de Parochie di Codroip, Glesie Furlane, Grop amîs di pre Toni.
Redazion

L'Editoriâl / Risierve di valôr

Leonardo Giavedoni - Buenos Aires
In ciertis tribûs o tes grandis fameis il cjâf grup al vignive nomenât patriarcje. Di solit e jere la persone plui anziane, une vuide naturâl. invezit, tal mont religjôs, in particolâr tal Orient Cristian, il patriarcje al jere un primât eclesiastic poiât su facoltâts e prerogativis che i davin une posizion di supremazie tes glesiis […] lei di plui +

Salon Internazionâl dal Libri di Turin 2023

Redazion
La Patrie dal Friûl e je presinte pe seconde volte tal Salon Internazionâl dal Libri di Turin cul so mensîl, l’unic in leghe furlane e cu la sô golaine “La machine dal timp” che e vegnarà presentade vuê joibe ai 18 di Mai aes 5 sore sere tal stand istituzionâl de Regjon Friûl – Vignesie […] lei di plui +

COROT. Nus à lassâts Sergio Salvi

Redazion
Domenie ai 23 di Avrîl, a la etât di 90 agns, nus à lassâts Sergio Salvi, un grant amì de lenghe furlane e di dutis lis lenghis minorizadis. «Scrittore, poeta, storico delle lingue minoritarie» lu definìs la Wikipedia taliane, al è stât chel che par prin al à jevât su il vêl su la cuestion […] lei di plui +

Glesie Furlane / Grop amîs di pre Toni. Program dai events pal 2023

1) Vinars ai 21 di Avrîl a lis 20.30, inte Sale Riunions di Vile Zamparo a Basilian, presentazion de gnove edizion dal libri di pre Toni “Fantasticant”.Relatôr: Roberto Iacovissi.In colaborazion cun Glesie Furlane.2) Sabide ai 22 di Avrîl, a lis 3 e mieze dopomisdì, in vie Friuli a Visepente, “5e Cjaminade libare – Pai trois […] lei di plui +