Pal 22 di Setembar a Gurize par il messâl in Furlan denant a le assemblee de Cei

Dal 22 ai 24 di Setembar Gurize e ospitarà il Consei episcopâl permanent de Cei: o sin ben contents che chest impuartant organisim de Conference Episcopâl Taliane al vedi sielte la nestre regjon propit intal an che al viôt unidis Nova Gorica e Gurize par Go!2025 e si augurìn che ancje al teme dal Messâl par furlan e vegni risiervade la juste atenzion de bande dai vescui che si daran adun inte Capitâl europeane de Culture intai dîs che a vegnin. O confermìn ancje a lôr la nestre disponibilitât plui complete, cemût che o vin simpri fat in concret di plui di 50 agns incà par promovi l’ûs de lenghe furlane ancje in ambit religjôs. La aprovazion formâl dal Messâl par furlan e completarès il percors scomençât di Glesie Furlane cu la traduzion de Bibie, dal Lezionari e di chei altris tescj liturgjics”.