Imlé, il gaelic al è «cool»
Si clamin Imlé e a son une des bands plui interessantis de Irlande di vuê, par vie che a metin dongje cun snait e passion une misture sauride di rap, pop, rock, folk e lenghe gaeliche. Cun chestis credenziâls a àn partecipât l’an passât a Suns Europe e cualchi setemane prime di rivâ in Friûl a àn dât fûr il lôr prin disc.
L’album, omonim, al à une liste di 9 cjançons cun diviersis combinazions di sunôrs, ritmis e melodiis. Il trip hop di Fún Orm e Criochfort, la introspezion di Síos an Bóther e Peacach, la lidrîs rock di Buail Aríst Mé e Ceap do Shuaimhneas, la ande r’n’b di Pádraig, chê teatrâl di Lár na hOíche e chê folk di Go Deo Go Deo.
Un biel lavôr, là che si presee la capacitât di miscliçâ lis vôs e di alternâ atmosferis diferentis, ma cun identitât clare e stîl coerent.
Imlé, “Imlé”, cd Gael Linn, 2017. ❚
_______________
Viaç te citât di U
No je une vuide turistiche, ni un saç e nancje une conte di narative, cun dut che par cui lu lei al podarès jessi chê, chel e magari ancje chê altre. La città che inizia per U al è un libri che al conte di Udin, di ce che si viôt e soredut di ce che no si viôt, e lu fâs cuntun stîl particolâr, tra fats storichis, detais architetonichis, personis e personaçs di ogni sorte.
Il so autôr al è Paolo Medeossi, che si zove di un patrimoni une vore siôr di leturis e di cognossincis par presentâ diviers aspiets e elements, plui o mancul cognossûts, de Capitâl dal Friûl. Cussì, a tacâ de figure dal agnul che al conte e che al dialoghe cul letôr, la peraule scrite e devente piture, sugjestion cinematografiche, fotografie.
Un libri che al stice la curiositât, al da rispuestis e al lasse ancje cualchi pont di domande.
Paolo Medeossi, “La città che inizia per U”, Bottega Errante, 2017. ❚
par cure di Marco Stolfo
A torzeon pal Friûl / Il rituâl de Messe dal Spadon nus ripuarte ae ete dai Patriarcjis
Sara Traunero
La memorie e torne indaûr a Marquart, ma forsit la tradizion e je ancjemò plui antighe Ai 6 di Zenâr, in ocasion de fieste de Epifanie, il Comun di Cividât si prepare a celebrâ un rituâl tant curiôs che inmagant: e je la Messe dal Spadon, che par tradizion si fâs tal antîc Domo antîc. […] lei di plui +
Libris simpri bogns / Emilio Nardini, “Par vivi”, Udin, 1921
Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +
Interviste / Numb il cjan scjaladôr (e il so paron Thomas)
Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +
Int di Cjargne / “La gallinella saggia” che a Cjavaç e insegne a produsi e a mangjâ ben
Marta Vezzi
La aziende agricule biologjiche La Gallinella Saggia e je nassude 7-8 agns indaûr: “La idee e je stade di mê mari – e conte Caterina Pillinini – che e à simpri fat orts e cjamps, e duncje e je une vite che si dediche ae coltivazions di tancj prodots; vint il ristorant Borgo Poscolle e […] lei di plui +
Sport… che ti trai! / Pietro Corredig e Sonia Borghese: une vite di pignatis a scufiots
servizis di Francesco Tonizzo
La cubie dai cjanalots, un di San Pieri e une di Miers, e à vinçût il campionât talian di machinis storichis e il titul european, simpri cun Sanremo intal destin Inzen, passion, amôr, dedizion, voie di zirâ il mont, spirt competitîf, leam cun il teritori des Vals dal Nadison, e risultâts une vore preseâts. Il […] lei di plui +
L’EDITORIÂL / La identitât e ven dai zovins
Walter Tomada
Une zornade di incuintri pai Conseis dai Fantats Al à fat scjas il senatôr Roberto Menia che al à declarât di volê gjavâ il furlan de scuele e dal ûs public. Al jere di un pieç che nissun rapresentant des istituzions al pandeve clâr di volê scancelâ lis normis di tutele, ma salacor a son […] lei di plui +