Al partìs Friuli Doc e o vegnìn a savê de presince di Omar Pedrini, il cjantautôr lombart, ex dai Timoria. E fin chi, dut ben. No je nancje la prime volte, e sarà almancul la sô tierce vignude chi in Friûl pe manifestazion. Po dopo o scuvierzìn che simpri Pedrini al à sielzût proprit il conciert di Udin par zirâ il video di “Che ci vado a fare a Londra?”, il prin singul dal so gnûf album, che al ven fûr 8 agns dopo dal so ultin lavôr. Infin o lin su Twitter e o viodìn che intal so profîl uficiâl si presente nuie di mancul che come “Amico del Friuli”. Ma insome, ce aial chest om achì cul Friûl? Jal vin domandât. E lui nus à rispuindût vulintîr (parcè che amì dal Friûl lu è pardabon) cul so biel acent di Brescia.
Mandi Omar, alore di indulà rivie la tô amicizie cul Friûl?
«La mê amicizie cul Friûl – che e je cuasit amôr, par dî la veretât! – e nas proprit cun Friuli Doc. Pense che o soi stât pe prime volte 20 agns indaûr, cuant che o jeri ancjemò il leader dai Timoria. Il gno cjâr amì Attilio Grilloni, udinês doc, al saveve ben che o jeri pasionât di vin come lui. Une dì mi à dit: ven in Friûl a viodi la gnove manifestazion di chenti. Al è cussì che o soi rivât a Udin in cheste fieste bielone cun vins pardabon bogns, cjapade a esempli po tai agns dopo in dute Italie. In chê ocasion o ai visitât cantinis ecezionâls, tant che chês di Dorigo o di Rosa Bosco. E o soi stât rapît di cheste tiere».
Po dopo cemût isal continuât chest rapuart?
«Disìn che une schirie di episodis a àn po legjitimât chest amôr. Tai agns o soi tornât une vore di voltis, o ai fat amicizie cun tancj produtôrs e o ai fat diviers concierts, come chel memorabil li de Sagre dai Piruçs di Pavie. Intun libri dai Timoria o vin dedicât une vore di pagjinis a Udin e al Friûl. Une desine di agns indaûr par un probleme di cûr o ai vût di fermâ di sunâ par un ciert timp e mi soi reinventât autôr e condutôr. Cuntune trasmission tv o ziravi pe Italie par contâ lis bielecis dal teritori e no mi soi fat scjampâ la pussibilitât di vignî in Friûl. O ai vût l’onôr di fâmi puartâ ator di Carlo Sgorlon, za provât de etât, a cirî morârs e a mangjâ polente. Po infin no pues dismenteâ la ultime partide di balon di Zico li dal stadi Friuli. I vevi fat un assist pal gol e lui mi a regalât lis sôs scarpis. Li sì che mi soi sintût ricognossût come amì di Udin».
Vignìn al vin. Cuâl isal il to furlan preferît?
«O podarès rispuinditi il Picolit, che nol à nuie di invidiâ ai miôr sauternes francês. O il Cabernet Franc: par me chel fat in Friûl si bat ben cun chei fats in Francie. Ma se o ai di sielzi dome un ti dîs il Pignûl, vît autoctone e rare, dificile di coltivâ, ma dal sigûr di tutelâ».
Il to puest preferît dal Friûl?
«O soi leât cence dubis a Udin. Di agns mi ocupi de cause tibetane e mi impensi di chê volte che il comun di Milan nol veve dât acet al Dalai Lama. L’unic sindic che al à vierzût lis sôs puartis al è stât chel di Udin. O soi stât une vore content e dentri di me o ai pensât: cheste e je une citât pardabon speciâl, mestre di acet e tolerance. O ai ancje un debil par Pordenon, citât cuntun feeling grandon cul rock. Al è stât organizât achì The Great Complotto, un dai prins festival rock punk: tancj di noaltris a vignivin fin ca de Lombardie agnorums indaûr».
E dai furlans ce ti plasial tant?
«O ven ducj i agns di simpri a durmî tal stes puest li dal Ramandolo di Udin. La mari dai trê fradis che a gjestissin chest biel hotel ogni volte mi prepare un strudel fat di jê. Par me voaltris o sês chest: intun gjest antîc e profont par me si plate la grandece de int furlane. Ma un altri episodi mi torne dispès iniments. O vevi a pene fat un conciert e a jerin lis fantacinis che mi spietavin par incuintrâmi, come che al capite. A varan vût 16-17 agns. Pal solit mi puartin un peluche, une foto. Sâstu ce che mi vevin puartât? Un clap. “Al è il simbul de nestre tiere, uchì e je le storie de nestre int”, mi àn dit. Beh, cemût no si fasial a no inamorâsi dal Friûl?». ❚
Natascia Gargano
Sindic jo mame / “La nestre int no à mai molât. Covente fâ, no lamentâsi, par saltâ fûr dal pantan”
Walter Tomada
Alessandro Marangoni: la Aclif e deventarà istituzion di riferiment pai furlans “La Assemblee dai sindics furlans e je une realtât necessarie. E cul timp e deventarà ancjemò di plui un pont di riferiment pe identitât de nestre int”. Al è sigûr di chest Alessandro Marangoni, prin citadin di Dartigne, che al crôt tant inte Aclif […] lei di plui +
(L)Int Autonomiste / Autodeterminazion e dirits pai popui, uniche strade di pâs
Dree Valcic
✽✽ No podìn sigûr fâ fente che la vuere in Ucraine no dedi une serie di problemis intrigôs ancje aes fuarcis che si riclamin ae autodeterminazion dai popui e al ricognossiment dai dirits des minorancis etnichis. Prin di dut, ce che al è daûr a sucedi al è la ultime dimostrazion che chei problemis no […] lei di plui +
L'editoriâl / Macroregjons, une oportunitât di racuei
Alessandro Ambrosino - Graduate Institute, Gjinevre
Lis strategjiis macroregjonâls a son la ultime “invenzion” UE par favorî la cooperazion teritoriâl. Trê di cuatri si incrosin in Friûl Intai ultins agns, la Union Europeane si è sfuarçade in maniere vigorose di vignî dongje di plui ai citadins e – su la fonde di chest cambi di rote – e à ricognossût une […] lei di plui +
Ricorence / Pier Pauli Pasolini om contraditori e segnâl di contradizion
Pre Toni Beline
Tal centenari de muart di Pier Pauli Pasolini o ripuartìn a tocs la tierce part dal libri scrit di Antoni Beline tal 1993 ‘Trilogjie tormentade’, che e rivuarde propit il poete di Cjasarse I. RISPIETÂ IL MISTERI DAL OMLa sience plui dificile e je la cognossince di se stes. E se al è grivi cognossi […] lei di plui +
Int di Cjargne / La sporte de spese a km zero a ‘La Polse’ di Chiara e Matteo
Marta Vezzi
Di cualchi dì al è stât screât un gnûf servizi intal spaç e ristorant di Chiara e Matteo “La Polse di Cougnes” a Zui, indulà che si pues cumò cjatâ e comprâ prodots locâi. “La idee e je nassude pal fat che za nô intal ristorant o doprìn avonde materiis primis dal teritori – e […] lei di plui +
Il numar in edicule / Jugn 2022
Dree Venier
Jugn 2022 – L’EDITORIÂL. La multiculturalitât e valorize il grant e il piçul / (L)INT AUTONOMISTE. Il pericul centralist al è tal Dna dai partîts talians / PAGJINE 2 – LA STORIE. Di Udin a Pesariis par promovi la mont e i prodots furlans / INT DI CJARGNE. Aziende Agricule Rovis Sabrina di Davài di […] lei di plui +