Il mês stât il president de Provincie di Udin Pietro Fontanini al à donât la Medaie de Provincie al professôr catalan Aureli Argemì, fondadôr dal Ciemen (Centre Internacional Escarré par les Minories Ètniques i Nacionals), promotôr de Declarazion universâl dai dirits linguistics, de Conference des Nazions cence Stât in Europe e de Rêt Mondiâl dai dirits coletîfs dai popui al Parlament european.
Un ringraciament calorôs pal contribût impuartant puartât indevant a nivel internazionâl pe tutele dai dirits des lenghis minoritariis e dai popui piçui.
Argemì al à dât tant intai rapuarts cul Friûl, e al à savût rinfuarçâ, intai agns, in gracie des variis iniziativis inviadis, i convinciments dai furlans, sostignint ancje i moviments politics nassûts chenti e disvilupâts su elements fondamentâi de identitât, lenghe in primis. Un grant insegnament a no molâ mai, ancje se i travuarts a stentin a rivâ.
Il president de Provincie di Udin al à sigurât che «o continuarìn a semenâ ancje se in chest Stât, in cheste Regjon il centralisim al scjafoie diversitâts e minorancis. I popui di Europe nus insegnin a no tornâ indaûr: la Catalogne, in particolâr, e je mestre.» ❚
Redazion
Gnovis / Presentazion dal libri di Erika Adami “Feminis furlanis fuartis”
Redazion
La Patrie dal Friûl e presente il libri “Feminis furlanis fuartis”. Storiis di feminis furlanis dal dì di vuê, pôc o par nuie cognossudis, diferentis par etât, divignince, esperiencis formativis e professionâls. Lis lee la fuarce che a esprimin tal cirî di realizâsi cun tignince, tai cjamps plui svariâts. Cun braùre pes lidrîs e tal […] lei di plui +
Event / Stin dongje ae Patrie – fotos de serade
Redazion
Joibe ai 30 di Novembar al Teatro San Giorgio – Udin (Borc di Graçan) si è tignude la seconde edizion de manifestazion “Stin dongje ae Patrie” che e rapresente un moment di incuintri e di solidarietât cul mensîl “La Patrie dal Friûl”, gjornâl scrit fûr par fûr in lenghe furlane fintremai dal lontan 1946. Inte […] lei di plui +
Pirulis di musiche e di storie / Un pitôr musicâl di San Denêl tal inovâl de sô muart: Giulio Urbanis (1540 – 1613)
Alessio Screm
Stant che tal articul chi sore o ai scrit di iconografie musicâl, la pirule di storie e di musiche di chest mês si intive a celebrâ un pitôr furlan che al à dât cetant in fat musiche piturade, e di lui si celebrin chest an i cuatricent e dîs agns de sô nassite. Lui al […] lei di plui +
Il cjastelîr plui grant di simpri / Sot des pleis de tiere: ae scuvierte de origjin dal çuc di Udin
Serena Fogolini
Daûr di une liende, di un proverbi o di une conte popolâr si plate simpri une fonde di veretât Al sarà forsit par cheste reson che cualchi mês indaûr, jessude la gnove di studis sientifics che a dimostravin la artificialitât dal çuc di Udin, nissun di noaltris si è maraveât plui di tant. Dal rest, […] lei di plui +
Lenghe / A Cormons si fevele dal furlan te informazion
Dree Valcic
L’impuartance dai mieç di comunicazion par la difusion de lenghis minoritariis. Cun Emanuele Galloni, Guido Germano Pettarin, Andrea Valcic. Al à moderat Wiliam Cisilino. lei di plui +
Musiche / Carniarmonie: trentedôs stagjons di armoniis te mont furlane
Alessio Screm
Il festival che al met in rêt midiant de musiche Cjargne, Valcjanâl e Cjanâl dal Fier A son trentedoi agns che la Cjargne e je protagoniste di armoniis musicâls estivis, graciis al festival de mont Carniarmonie, la prime vere rassegne musicâl che e à pandût une maniere di fâ culture che cumò e je cetant […] lei di plui +