Sfuei Mensîl Furlan Indipendent
Archivi de Patrie

LA RICETE. La version dal Masterchef american

............

La ricete

Us vino fate vignî gole? Ve ca alore lis indicazions par un frico perfet, daûr de ricete di Luca Manfè, che e à concuistât la jurie di Masterchef Usa, fasint vinci al davianês il titul di miôr cogo te edizion dal 2013.

Ingredients (par une porzion):

45 grams di cevole

45 grams di cartufulis

30 grams di formadi Montasio di 60 dîs

30 grams di formadi Montasio di 6 mês

30 grams di formadi Montasio di 15 mês

Preparazion

Taiâ lis cartufulis a daduts e saltâlis te padiele cuntun fîl di vueli. Intune altre padiele, fâ dislidi la cevole blancje par 20/30 minûts e zontâi lis cartufulis e a pôc a pôc ancje il Montasio: chel di 2 e 6 mês taiât a daduts, chel plui stagjonât, invezit, gratât. Lassâ che si disfi, tignint mote la padiele, par che il frico no si tachi. A pene che il vueli dal formadi al tache a vignî sù, gjavâlu cuntun cop. Cuant che si forme une biele croste indorade, zirâ il frico e lassâlu indorâ ancje di chê altre bande. Servî cjalt, in compagnie di une fete di polente.

A torzeon pal Friûl / “Der Voschank”, il spetacul des mascaris sauranis

Sara Traunero
La tradizion dal “Kheirar” e dal “Rölar” e cjape dentri dut il paîs Mascaris bielis e mascaris brutis, cun musis intaiadis intal len e cu lis liniis plui diferentis, a son lis protagonistis assoludis di une ricorence tant curiose che antighe: al è il Carnevâl di Sauris, intal dialet sauran locâl cognossût ancje tant che “Der Voschank”.L’aspiet […] lei di plui +

A torzeon pal Friûl / La maravee di scuvierzi il Carnevâl rosean

Diego Navarria
Cuatri amîs inmagâts de origjinalitât di lenghe, musiche e bai dal Cjanâl incjantonât jenfri lis Musis e la mont Cjanine In ce aventure che mi soi butât! Dut par lâ daûr di mê madone! Cumò, aes trê dopomisdì, achì in machine o sin in cuatri: jo, Mario Dean, 46 agns, professôr di talian tal Marinelli, […] lei di plui +

Libris simpri bogns / Emilio Nardini, “Par vivi”, Udin, 1921

Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +

Interviste / Numb il cjan scjaladôr (e il so paron Thomas)

Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +