Sfuei Mensîl Furlan Indipendent
Archivi de Patrie

LA INTERVISTE. Si cambie musiche?

............

Fat il funerâl ai 28 di Setembar dal 2009, cuant che i socis a àn deliberât di metile in licuidazion, cul vôt contrari dal comun di Udin, si è ancjemò in spiete di viodi a nassi la gnove realtât che e varà di sostituî e di dâ prosecuzion ae Orchestre sinfoniche dal Friûl-Vignesie Julie.
E jere stade fondade dal 2000, de Regjon, des provinciis di Udin, Gurize e Pordenon, dutun cul comun dal cjâf lûc dal Friûl, e sostignude dal ministeri dai Bens culturâi. L’obietîf al jere di valorizâ il patrimoni artistic e musicâl de regjon e di dâ une prospetive di stabilitât ai professioniscj de musiche di chenti.
L’an passât, però, la decision de Regjon di sospendi la ativitât, par meti in pîts une Fondazion musicâl Friûl-Vignesie Julie, dulà tirâ dentri ancje altris sogjets e tra chescj plui privâts e esperts di setôr. Cun di plui, une realtât che e vebi di valorizâ i talents zovins che a saltin fûr dai Conservatoris.
Intindiments par altri condividûts ancje dai musiciscj che a lavoravin cu la Sinfoniche, che a vevin scomençât a sburtâ par une lôr stabilizazion, e che a podevin jessi otignûts ancje cu la realtât che e esisteve.
La Regjon, però, e je lade indevant pe sô strade, continuant a sotliniâ l’intindiment di rivâ a une Fondazion. Sul imprin e veve di nassi a Zenâr di chest an, po te Vierte, ma fintremai cumò nuie di fâ. Che anzit, dai vecjos socis, si son clamâts fûr lis Provinciis di Triest e di Gurize. Par chest an, la Regjon e à a pene stanziât 900 mil euros, finanziant la Fondazion Bon di Colugne par une «Orchestra Mitteleuropea» che e varès di dâ lavôr ai 40 musiciscj de Sinfoniche.
La Provincie di Udin, te ultime variazion dal Belanç, è a proviodût 30 mil euros in cont de Fondazion e il Statût dal organisim al è ancje su la taule dal Comun di Udin, che par cumò no lu à ancjemò tirât fûr par une discussion gjenerâl. No par che nol sei de bande de orchestre, ma par vie che »nus pâr une operazion un grum problematiche», al à spiegât il sindic Furio Honsell subit dopo il 2 di Jugn, cuant che i ex orchestrâi si son tornâts a meti dongje par regalâ ae citât un conciert sot de Loze in ocasion de fieste de Republiche. Une esibizion par tornâ a tirâ la atenzion sul probleme, che pal moment nol à ancjemò cjapade la strade di une soluzion in curt, definitive e che e puedi garantî lavôr sigûr ai musiciscj che a àn maduride une esperience di dîs agns di musiche insieme.
Plusôrs esponents politics, soredut de oposizion, si son mots par stâi dongje ai orchestrâi ma, come che al à dit di resint il conseîr dai Citadins Piero Colussi, «al reste il displasê par une sielte, chê di disfâ la Sinfoniche, che si sta mostrant inutile e pericolose pal doman di cheste impuartante istituzion musicâl».
(Antonella Lanfrit)

A torzeon pal Friûl / “Der Voschank”, il spetacul des mascaris sauranis

Sara Traunero
La tradizion dal “Kheirar” e dal “Rölar” e cjape dentri dut il paîs Mascaris bielis e mascaris brutis, cun musis intaiadis intal len e cu lis liniis plui diferentis, a son lis protagonistis assoludis di une ricorence tant curiose che antighe: al è il Carnevâl di Sauris, intal dialet sauran locâl cognossût ancje tant che “Der Voschank”.L’aspiet […] lei di plui +

A torzeon pal Friûl / La maravee di scuvierzi il Carnevâl rosean

Diego Navarria
Cuatri amîs inmagâts de origjinalitât di lenghe, musiche e bai dal Cjanâl incjantonât jenfri lis Musis e la mont Cjanine In ce aventure che mi soi butât! Dut par lâ daûr di mê madone! Cumò, aes trê dopomisdì, achì in machine o sin in cuatri: jo, Mario Dean, 46 agns, professôr di talian tal Marinelli, […] lei di plui +

Libris simpri bogns / Emilio Nardini, “Par vivi”, Udin, 1921

Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +

Interviste / Numb il cjan scjaladôr (e il so paron Thomas)

Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +