Sfuei Mensîl Furlan Indipendent
Archivi de Patrie

Itineraris, incuintris e un event speciâl

............

Pai 25 agns dal PIC, dulinvie de rassegne musicâl estive “Musica in Villa”, il public al à podût puartâsi a cjase a gratis cualchi plantute dal Vivâr forestâl regjonâl Pascul di Tarcint. Ma lis iniziativis a van indenant par dut Setembar: dongje dai “Itineraris ae scuvierte di un teritori” (ogni domenie, dai 8 di Setembar), ta chest mês si siere ancje il progjet “Il Friûl di Mieç te Grande Vuere”. Ve culì une cerce dai apontaments (plui informazions sul sît www.picmediofriuli.it):

– ai 12, aes 7 di sere, locande ai Tre Amici di Mortean, “La controstoria della Grande Guerra nel Medio Friuli”, conversazion cun Angelo Floramo e Alessandro Pennazzato;

– ai 13, aes 7 di sere a Muçane, presentazion de ricercje “L’ultimo caduto italiano nella Grande Guerra”, cun Paolo Strazzolini e Claudio Zanier;

– ai 15, visite aes trinceis di Madrîs e fuartins di Bean e Sedean;

– ai 18, aes 8 e mieze di sere, enoteche di Bertiûl, “Horror est bellum”, leture seniche su testemoneancis de Grande Vuere;

– ai 19, aes 7 di sere, Sale de BancjeTer di Codroip, “L’aviazione militare nella Grande Guerra”, incuintri cun Alberto Bassi;

– ai 21, aes 8 e mieze di sere, Auditorium di Codroip, “Cantare la Grande Guerra”, conciert cu la corâl Ana di Codroip, corâl Cjargne di Davâr e grop costums tradizionâi bisiacs di Turià.

Cun di plui, tal mês di Otubar al vignarà inmaneât un event speciâl pai 25 agns dal PIC. ❚

S.F.

A torzeon pal Friûl / “Der Voschank”, il spetacul des mascaris sauranis

Sara Traunero
La tradizion dal “Kheirar” e dal “Rölar” e cjape dentri dut il paîs Mascaris bielis e mascaris brutis, cun musis intaiadis intal len e cu lis liniis plui diferentis, a son lis protagonistis assoludis di une ricorence tant curiose che antighe: al è il Carnevâl di Sauris, intal dialet sauran locâl cognossût ancje tant che “Der Voschank”.L’aspiet […] lei di plui +

A torzeon pal Friûl / La maravee di scuvierzi il Carnevâl rosean

Diego Navarria
Cuatri amîs inmagâts de origjinalitât di lenghe, musiche e bai dal Cjanâl incjantonât jenfri lis Musis e la mont Cjanine In ce aventure che mi soi butât! Dut par lâ daûr di mê madone! Cumò, aes trê dopomisdì, achì in machine o sin in cuatri: jo, Mario Dean, 46 agns, professôr di talian tal Marinelli, […] lei di plui +

Libris simpri bogns / Emilio Nardini, “Par vivi”, Udin, 1921

Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +

Interviste / Numb il cjan scjaladôr (e il so paron Thomas)

Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +