Sfuei Mensîl Furlan Indipendent
Archivi de Patrie

In Cornualie tabelis bilengâls tes stazions di polizie: cuant che la politiche linguistiche e pues jessi “a cost zero”

............

L’an passât 2014, la Cornualie e je deventade une “nazion costitutive” dal Ream Unît di Gran Bretagne. Chê che fin pôc timp fa e jere une semplice regjon, e à cuistât il status di component dal Ream Unît tant che i scozês, i galês e i irlandês. Par cumò, il ricognossiment nol à puartât a incressi l’autoguvier de Cornualie, ma al rapresente un ricognossiment impuartant e par chest la gnove e jere stade saludade cun sodisfazion sei dai grups impegnâts intal promovi la lenghe e la identitât corniche.
TUTELÂT ANCJE… UN
Alc si tache a fâ e cussì e je rivade la notizie che inte gnove stazion di polizie di Truro la segnaletiche e je dute bilengâl. Cundut che a fevelâ come prime lenghe il cornic al sedi mancul dal un par cent de popolazion (1%), la direzion de polizie e à decidût che in dutis lis gnovis stazions dal cuarp la lenghe corniche e varà di cjatâ intai segnâi visîfs la stesse dignitât di chê inglese. Par chel che al rivuarde invezit lis stazions za in vore, la segnaletiche e deventarà bilengâl a man a man che si proviodarà ae sostituzion naturâl des tabelis.
Une misure di politiche linguistiche par rispietâ i dirits des minorancis a “cost zero” che si podarès fâ buine ancje in Friûl: un cartel scrit in dôs lenghis al coste tant che un scrit intune lenghe. ❚
Internazionalitari/Redazion

L'Editoriâl / Risierve di valôr

Leonardo Giavedoni - Buenos Aires
In ciertis tribûs o tes grandis fameis il cjâf grup al vignive nomenât patriarcje. Di solit e jere la persone plui anziane, une vuide naturâl. invezit, tal mont religjôs, in particolâr tal Orient Cristian, il patriarcje al jere un primât eclesiastic poiât su facoltâts e prerogativis che i davin une posizion di supremazie tes glesiis […] lei di plui +

Salon Internazionâl dal Libri di Turin 2023

Redazion
La Patrie dal Friûl e je presinte pe seconde volte tal Salon Internazionâl dal Libri di Turin cul so mensîl, l’unic in leghe furlane e cu la sô golaine “La machine dal timp” che e vegnarà presentade vuê joibe ai 18 di Mai aes 5 sore sere tal stand istituzionâl de Regjon Friûl – Vignesie […] lei di plui +

COROT. Nus à lassâts Sergio Salvi

Redazion
Domenie ai 23 di Avrîl, a la etât di 90 agns, nus à lassâts Sergio Salvi, un grant amì de lenghe furlane e di dutis lis lenghis minorizadis. «Scrittore, poeta, storico delle lingue minoritarie» lu definìs la Wikipedia taliane, al è stât chel che par prin al à jevât su il vêl su la cuestion […] lei di plui +

Glesie Furlane / Grop amîs di pre Toni. Program dai events pal 2023

1) Vinars ai 21 di Avrîl a lis 20.30, inte Sale Riunions di Vile Zamparo a Basilian, presentazion de gnove edizion dal libri di pre Toni “Fantasticant”.Relatôr: Roberto Iacovissi.In colaborazion cun Glesie Furlane.2) Sabide ai 22 di Avrîl, a lis 3 e mieze dopomisdì, in vie Friuli a Visepente, “5e Cjaminade libare – Pai trois […] lei di plui +