Sfuei Mensîl Furlan Indipendent
Archivi de Patrie

Il test de cjançon «Cisilute»

............

Il test de cjançon
«Cisilute»
Je tornade primevere
cui siei mil e mil odôrs,
dut il mont al mude siere,
ducj a tornin i colôrs.
Ancje tu tu sês tornade,
cisilute ti vuei ben.
Vorès dâti une bussade
e tignîti sul gno sen…
Dulà vâstu, cisilute?
No sta lâ lontan lontan:
Fâs culì la tô cjasute
di stecuts e di pantan.
Reste pûr, reste poiade,
Cisilute, su chel len!
Vorès dâti une bussade
e tignîti sul gno sen…