Sfuei Mensîl Furlan Indipendent
Archivi de Patrie

IL PERSONAÇ STORIC. Ottorino Aloiso

............

Ottorino Aloiso (Udin 1902 – Udin 1986), architet e progjetist, docent al Politecnic di Torin fin al 1969, al è stât un om di straordenarie personalitât, tant che tal 1921 al à vuadagnât il titul di campion talian di salt in lunc. Tal 1925 al è stât il prin laureât in architeture moderne (al veve dome 23 agns) e duncje al è considerât, dutune cun Ettore Sottsass, so amì e colaboradôr, un dai teorics plui impuartants. Tra lis altris oparis, al à firmât il progjet dal palaç dal ministeri dal forest di Bucarest, in Romanie, la glesie episcopâl di Meru, in Kenya, la Universitât dal Sport di Amsterdam e la tombe di Chiussi, tal cimitieri monumentâl di Udin. Il so archivi, regalât ae citât di Udin tal 1981, al conten une colezion di taulis di dissen plenis di snait e di modernitât, ispiradis a un stîl matematic e sientific dal dut origjinâl.  ❚
✒ Agnul Floramo

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +