Il cantîr edîl multietnic: ve un manuâl pratic pe integrazion di lengaçs e cognossincis

“Manuale pratico delle costruzioni per un cantiere multietnico: integrazione di linguaggi e conoscenze tecniche” (editât di Mimesis Editore di Milan) al è un volum che al jude a sensibilizâ i operadôrs dal mont de edilizie sui temis de costruzion come che i vûl e de sigurece, traviers la integrazion de lenghe furlane – lenghe dal cantîr – cu la lenghe des maestrancis di emigrazion resinte dal bacin dal mont arabic. Il volum al è nassût de ricercje ideade dal Dipartiment di inzegnerie civîl e architeture (Dica) e davuelte di une équipe di docents e ricercjadôrs de Universitât dal Friûl. Prodot cul sostegn finanziari de LR 15/1996 e promovût dal cirf dal ateneu furlan, al è insiorât di files audio-imagjin par talian, furlan e arabic, cun chê di facilitâ l’aprendiment di bande dai potenziâi fruitôrs, arlêfs muradôrs e operadôr dal cjamp edîl di imigrazion resinte. Tescj e files a son ancje par francês e par inglês, par arlêfs e operadôrs che a rivin de Afriche francofone e anglofone. In Friûl, insumis, ancje il “mâl dal modon” si vierç al dialic, al sgambi e ae condivision.