
La date de Fieste dal Friûl che o celebrìn ogni an, 3 Avrîl 1077, e devente une maiute. Autôrs chei de Friûlpoint, la marche di maiutis par furlan dal 1999. O vin sintût Michele Venier, il titolâr de dite, che nus conte de iniziative.
––
Michele, cemût us ae vignude la idee?
Chê dal 1077 e je une date mitiche, ancje voaltris su la testade o fasês il cont dai agns partint di chê: «940 agns de Patrie». E cussì o vin pensât di celebrâle cuntune maiute. La cifre e ven biele, e daûr de maiute, su la cope, al à un test par furlan e par inglês che al spieghe il parcè di chel numar che si viôt devant.
––
Une svolte plui identitarie, duncje, oltri a lis maiutis solitis, spiritosis o plui “fashion”…
Plui che identitarie, storiche: par nô dute la nestre produzion e je identitarie, ancje se o vin le ambizion che lis metin ducj chei che i tegnin o ur è simpatic il Friûl, ancje tal forest. Cheste maiute si zonte a chês storichis fatis l’an passât cun la acuile de bandiere, in version classiche o rosse “di vuere”, che e je une curiositât che cumò a sta cjapant pît. In plui, chest an o proponìn lis cjicaris cun l’acuile. Ultime novitât, o vin fat ancje lis bandieris daûr de specifichis uficiâls vignudus fûr di resint cun la leç fate pe Fieste dal Friûl: colôrs, grandece de acuile, dut just.
––

E chês altris maiutis pe stagjon 2017 cualis sono?
Lis presentarìn ben vie pe stagjon, ma une e je, intun ciert sens, super-identitarie ancje chê: o vin fat une sorte di esam oculistic furlan li che al puest des letaris che a deventin piçulis man man che a calin lis diotriis o vin metût lis vîts tipichis dal Friûl. Ma al puest dal “Friulano” o vin metût… il Tocai. Nô no si rindìn (al rît, ndr). In plui che lis maiutis, chest an o vin slargjât la ufierte a altris propuestis, come lis cjicaris che si diseve prime, i puarteclâfs o i orlois cun lis musis che a si cjatin su lis bustutis di zucar, gjavadis fûr de nestre maiute “Cemût sestu vûe?”. E no stin a dismenteâ i bavarins cun lis detulis e lis nainis tipichis furlanis che a àn dentri ancje un librut li che si contin chestis tradizions, par tirâ su une mularie plui furlane fin di piçui! Par savê di plui e restâ simpri inzornâts tignît di voli il nestri sît www.friulpoint.it li che si publichin man man dutis lis novitâts. Par negoziants che a vuelin i nestris prodots o informazions, il nestri numar al è 348 3191449 a orari di ufici. ❚
✒ Radeschi
LA INTERVISTE - / Toni Capuozzo: «Ognidun al bale cun sô agne»
Oscar Puntel
Nus à lassâts Toni Capuozzo, il grant gjornalist. A son za ce tancj i ricuarts che si viodin ator su di lui, parcé che al jere un om ce tant stimât e amât. Al jere un amì de La Patrie dal Friûl, e al à vût scrit ancje par nô. Sì, par furlan. Parcé che […] lei di plui +
Zovins di gale / Sborf, il zûc par induvinâ e imparâ peraulis par furlan che al à za concuistât miârs di personis
Erika Adami
Daûr un grup zovin che al à a cûr la lenghe furlane Un sborf di un biel colôr vert slusint al è il simpatic compagn di zûc par cui che al à voie di induvinâ e imparâ peraulis in lenghe furlane sul propri dispositîf digjitâl. Chest de fin di Març, cuant al è rivât Sborf […] lei di plui +
Galerie fotografiche / Cuinte edizion di “Stin dongje ae patrie”
Redazion
Pe rassegne Avostanis, Domenie ai 4 di Otubar li dai Colonos si è tignude la cuinte edizion di “Stin dongje ae Patrie“. La storiche riviste furlane e a fât fieste par i siei otante agns e e a cjalât al avignî adun cul mont de culture, de musiche, dal associazionisim, dal sport tal ricuart no […] lei di plui +
Stin dongje ae Patrie / La storiche riviste furlane e fâs fieste par i siei otante agns
Redazion
Pe rassegne Avostanis, Domenie ai 4 di Otubar aes 3 dopomisdì li dai Colonos a Vilecjaze di Listize tierce edizion di Stin dongje ae Patrie. La storiche riviste furlane e fâs fieste par i siei otante agns e e cjale al avignî adun cul mont de culture, de musiche, dal associazionisim, dal sport tal ricuart […] lei di plui +
La piçade / Salts, lavoradôrs e… laris. Almancul i laris a fevelin par furlan
Mastiefumate
Che il rapuart tra il Messaggero Veneto e la lenghe furlane nol fos dai miôr, si saveve. Par esempli su la partide dal secul tra la nazionâl furlane e chê groenlandese, nancje une rie par furlan. Si spietavin che al vignìs ripuartât a caratars cubitâi il sproc tal strisson puartât in cjamp dai zuiadôrs intant […] lei di plui +
Gnovis pai fruts / I Gnognosaurs a imparin a svolâ: al rive in edicule «Tal blu piturât di blu», il gnûf album di colorâ
Redazion
Daspò dal sucès dal prin album vignût fûr a Nadâl, i simpatics dinosauruts che a fevelin par furlan a proponin pal Istât une gnove aventure: il professôr Einsaur e il so fedêl assistent Blik a provin di svolâ, ispirâts dai pterodatils. Rivarano? ◆ A partî de fin di Jugn al è rivât tes ediculis dal […] lei di plui +



