Sfuei Mensîl Furlan Indipendent
Archivi de Patrie

I dissens de musiche in Cjargne intune opare di Alessio Screm

Redazion
Alessio Screm

I letôrs dal nestri gjornâl a cognossin ben Alessio Screm par vie de competence e de passion che al met tai siei articui in teme di musiche e di spetacul. Chest al è dome un dai siei tancj cantins di interès, intune ativitât di divulgazion des maraveis artistichis e culturâls de nestre tiere che lu viôt in prime linie za di agns, no dome su cjarte ma ancje in radio e in video. Par chest, o sin braurôs di marcâ la publicazion di un so biel libri, insiorât des fotografiis di Ulderica Da Pozzo, che al jes in version bilengâl taliane e todescje. Si clame “I disegni della musica in Carnia. Percorsi sacri d’iconografia musicale” e al è il risultât dal progjet Interreg Italie-Austrie “La via della Musica / Strasse der Musik”, e al è stât presentât inte Plêf di Sant Stiefin a Cesclans.
◆ Midiant des imagjinis straordenaris che a son tal volum, il letôr al ven menât di Screm ator pe Cjargne intun percors origjinâl che al mostre sedi ai turiscj che ai apassionâts di art e di culture un patrimoni che pardabon pôcs a cognossin. Si trate di “oparis che a sunin”, tal sens che a mostrin senis di cjant, bal e struments musicâi che si puedin viodi in afrescs, incisions e pituris che si a son sul teritori cjargnel. Screm nus mostre che dispès al baste alçâ il cjâf, e sù pai volts dai presbiteris e tes cupulis si vierç un barcon su cinc secui e passe di storie de nestre art.
◆ L’itinerari pensât di Screm al è un viaç materiâl e sensoriâl che ducj a puedin percori, e che de plane dal Tiliment si rimpine sù par ducj i Cjanâi cjargnei, dal Cjanâl di Incjaroi a chel di Sant Pieri, passant pe Val Cjalde e pe Val Pontaibe, tocjant plêfs e glesiis, borcs e frazions cuntun profîl storic des localitâts visitadis.
◆ La opare plui antighe regjistrade e je la pale di Pomponi Amalteu che e rapresente il “Matrimoni mistic di Sante Caterine di Alessandrie”, che dal 1537 si cjate te glesie de sante a Tumieç; invezit la plui resinte e je “Agnui musicants e osanants” di Renzo Tubaro (1960) che e je in Sant Nicolau in Cjanive. Ma il percors al va indevant par sedis localitâts: Tumieç, Cjanive, Dieç, Vile, Soclêf (Cjastoie), Luincis, Mieli, Rigulât, Çurçuvint, Paluce, Trep di Cjargne, Tausie, Liussûl, Paulâr e Salin. I autôrs plui cognossûts a son Giuseppe Furnio, Bernardino Blaceo, Giulio Urbanis, Antonio Schiavi, Francesco Pellizzotti, Filippo Giuseppini, Giacomo Brollo.
◆ Il libri si pues domandâ ai Servizis Culturâi de Comunitât di Mont cjargnele: par chei che a presein la art sacre dal nestri teritori al è un imprest pardabon dut di gjoldi. ❚

Apontaments / AVÔT DAL FRIÛL

Redazion
Furlans,a son passe 50 agns che si cjatìn a Aquilee la dì de fieste dai sants Macôr e Fortunât palAVÔT DAL FRIÛLe o cjantìn Messe te nestre lenghe, tal spirt di chê libertât che si iludevin di podê respirâ almancul in glesie scomençant a doprâ il Messâl, che al è ancjemò intune spiete penose par […] lei di plui +

Gnovis / “Feminis furlanis fuartis” di Erika Adami a vicino/lontano e al Salon internazionâl dal libri di Turin

Redazion
La Patrie dal Friûl e segnale doi apontaments che le viodin protagoniste cul libri “Feminis furlanis fuartis” di Erika Adami, che e fâs part de golaine “La machine dal timp”. Te suaze dal festival vicino/lontano, rivât ae vincjesime edizion, Erika Adami e moderarà l’incuintri “Feminis. Talents di no strassâ” che al nas des esperiencis contadis […] lei di plui +

Comunicât / Cungjò, Aureli. Nus lasse un grant omp, Aureli Argemì, che si è batût pai dirits dal popul catalan e par chei di ducj i popui minorizâts. Il comunicât in lenghe catalane e furlane.

Dree Venier
BARCELONA Aureli Argemí, fundador i president emèrit del Centre Internacional Escarré per a les Minories Ètniques i les Nacions (CIEMEN), ha mort aquest dilluns als 88 anys, segons ha informat l’entitat en un comunicat. Nascut a Sabadell el 1936 i llicenciat en teologia a Roma i París, va ser monjo de Montserrat, va formar part […] lei di plui +